今年過左個好開心既聖誕！

今年聖誕真係節目豐富，首先23號約左珊珊同細佬佢地落尖沙咀食飯，我地去左一間專門食吉列野既日本餐廳，嘩！D吉列豬柳同吉列蝦好食到震~~~~~~~~。而且又有好多唔同既汁比我地擇，仲有飯同椰菜都可以任添架！雖然一個定食就要成百幾蚊。不過真係好好食！
                                   
24號下午同亞琳去又一城AMC睇小企鵝。套戲好好睇呀！之後就去左Karen姐老公間局BBQ，入到去已經見到好多人，橫觀成個場，好多姐姐仔都著晒短裙長boots，嘩！BBQ咋！唔洗咁嘛！不過都明既！當日咁多消防員哥哥！係要做D野！小妹自問無乜姿色，都無謂獻醜，BBQ要緊！因為有我最鐘意既羊扒同多春魚，而且咁難得入離消防局點都要影多D靚相，點知幾時再有機會！
25號晚我地再入Karen姐屋企交換禮物同大食會，個晚有好多野食，有壽司，有雞亦，有意粉，有沙律，仲有豬皮羅白。大家都食得好開心，仲有飯後甜品添！之後就係交換禮物既時間，天呀！點解Karen姐個老公會買左個小櫃做禮物，重到死！下次唔好喇！
26號就去左舊同事屋企食飯！好耐冇見過D舊同事喇！大家都係咁無乜點變，今次交換禮物就收到個用馬賽克整既鐘！都好得意。今個假期過得好充實，不過聽日又要返工呢！

釣魚翁

今日又同表表既西藏團友行山喇！今次行釣魚翁。好彩今日有太陽，一朝早就向鑽石山等之後就搭巴士去清水灣。我地由五塊田開始行，佢地一路都帶我地行一條比較難一點既路，好等我地容易適應之後既傾路。終於都到左山頂，已經係12點幾，係時候又開餐，大家都各自帶左乾糧。食過午餐我地就要落山，開頭既一段路太傾，大家都要手腳一齊用。落完山大家都以為已經行完，點知原來仲有一個山頭要行。天呀！已經好倦，仲要隻腳又開始痛。不過來到呢度點都要行，上山還可以，落山時就陰公囉！隻腳唔可以曲埋，一曲埋就痛，好彩係落樓梯，可以慢慢落，如果唔係都唔知點算。行到大廟佢地至知我扭親腳，不過都行完OK啦！我地就入左大廟行一個圈，行完大廟已經係4點鐘。晒到臉豬仔都紅晒。今日唔經唔覺都行左6個鐘。勁！不過真係要睇下隻腳至得！唔係30號點去貴州

行烏蛟滕

今日跟左travellife既人一齊由新娘潭行去三椏村，佢地請左個人離講解沿途的植物，雖然唔係記得好多，但都學到一D野。行到三椏村我地就食飯啦！開頭諗住靜係食公仔麵，點知午餐居然有炒飯，肉絲炒麵，清菜，最緊要仲有泥"蜢"粥同咖哩蝦。飯後仲有山水豆腐花，一個字，正！食過飯我地就坐船去印州塘海岸公園！今日天氣都幾凍，坐向隻船度D風符符聲吹埋離，都幾係野。坐完船後就從原路行返去新娘潭。其中有個妹妹好叻呀！7歲人仔就已經行過鳳凰山同南蛇尖。雖然今日係扭親隻腳，不過見到個咁靚既夕陽，都係值得既！

獅子座流星雨

星期六約左亞琳同表表一齊去西貢既灣仔半島睇獅子座流星雨。我地約左兩點半向西貢等，其間亞琳發現唔睇左銀包！嚇得我地即係返小巴站找，好彩司機叔叔比返亞琳。食過午餐就去百佳買今晚打邊爐既野食同明天既早餐。買完之後就到巴士站乘車到黃石碼頭，向巴士站已經見到好多人都咩住大包包，我地諗實有好多人去睇星星啦！好驚會冇個靚位。所以決定落車就快快去碼頭睇下有冇船，好彩好快就有快艇。去到灣仔半島已經見到好多人已經扎好營，平時扎開既地方已經比人霸左，所以只好再找過地方，找到地方扎營，大家就休息一陣，就開始準備打邊爐既野食。我地買左生菜、墨魚丸，魚旦，金姑，牛肉同雲吞，開頭都驚三個人食唔晒，點知又食得晒喎！He~~~~He~~~~

食完飯洗完碗都係八點鐘，仲有大把時間點算好，我地咪係樹傾下計食去薯片咁又到十一點幾，本來諗住食埋糖水就較定鬧鐘等四點幾起身睇流星雨加嘛！點知突然間有人叫嘩！流星呀！又等我地三個立即岳高頭睇，睇左成半個鐘都唔見呀！其實尋晚都好多雲唔好話流星，就算星星都係一時時睇到咋！希望夜D可以睇到啦！
成晚都訓唔到，四點幾我地就起身諗住睇流星雨。點知，出到去個天比D雲遮住左，唔係嘛！玩咩！點到唔
憤氣，點到要等到為止，可惜天公不做美等到五點幾都冇得睇，周公子又急call我地，所以決定訓覺。
八點幾起身，煮過美味早餐，今日早餐有午餐肉烏冬同好立克。洗完碗收拾好東西，我地就決定由灣仔行去海下，呢條路本來行一個鐘就行完，我地就足足行左兩個鐘，唔係因為我地行得慢，而係我地一路行一路影相，我地咩到影一餐，樹又影，花又影，草又影，所以咪行左咁耐囉！不過我都冇諗過自己可以咁叻，背住個咁大既包包可以行到兩個鐘！去到海下我地就搭車返西貢。
雖然今次係睇唔到流星雨，但都玩得好開心！

 

行龍脊

 

上星期日，又同表表D西藏團友去行山，今次行石澳既龍脊。其實今次都唔係好難行，行左三個鐘，不過有D遺憾就係行唔到全龍脊，好衰架！佢地行後面個D靜雞雞改行全龍脊又唔話比人知，等我行到落離至講，表表過份！行完山仲去大浪灣BBQ，我都係第一次行完山就BBQ，不過就餓到三點至有得燒，佢地已經講左12月再去行山，我諗下次我都會去行，聽講下次向難度挑戰，行香港三尖其中一尖。好期待

行赤徑

今日行完赤徑，好鬼倦，不過都值得既！冇諗過今日都唔係行得好辛苦，最重要今次唔係行最尾個，哈哈！