英德油菜花田

今個星期又再次跟travellife去左廣東英德睇油菜花田，今次係第一次有過百人參加今次既活動！星期六九點就約左向深圳既三島小廚門口等，齊人後就開車出發，大約坐左四個多鐘頭車我地就到達清遠。首先當然就食個午飯先啦！食飽飯就繼續坐車去英德睇油菜花，本來諗住都唔會仲有好多花睇！點知去到都睇到仲有幾多，於是我地就當然聲落去影相啦！影影下個天又黑晒，影多一陣就返上車。之後我地就返酒店食晚飯順便集合埋下午出發既團友！大約八點多我都就到達酒店，首先分配好房間之後就成百人走去人地既中菜廳擺幾圍先！食過晚飯，有D團友就回房間休息，其他既就約埋一齊玩遊戲，我地本來諗住向酒店大堂度玩，但我地成三十幾人經理話我地太嘈。經過一轉對話，經理就開左間健身房比我地玩！玩到大約十二點，我地就回房休息。第二朝八點鐘落去食早餐，之後就向第二個景點彭家祠出發，我地停留左一陣就去左附件食午餐，之後就到第三個景點英德林，其間我地要坐船仔去參觀，好彩今日都冇落雨，坐完船仔，我地就回程返深圳。

大霧中行西狗牙

今日又再次同表表既西藏團友行山，今次既目的地係西狗牙。我地約左九點鐘向東涌地鐵站等，之後就再搭巴去到壁屋水塘落車。開頭既路都唔係太難行，行到其中一個樓梯位佢地就話呢度開始上西狗牙，又呢段路開始，我地就要手腳一齊用至行到，我地行完一個山頭又一個山頭，個個都好危險，因為旁邊就係崖邊，好彩今日都有霧，如果唔係見到旁邊係咁都幾驚！大約兩點我地終於到左西狗牙，後來傑哥同我地講我地其中有個位好難上既地方就叫做閻王壁，對面其實有一個地方叫一線生機，因為今日實在太大霧，所以傑哥冇帶我地行！之後傑哥就問我地仲上唔上埋鳳凰山頂，佢話行多大約三十分鐘就到，諗住一場離到不如上埋去啦！今次係第二次上鳳凰山頂！上次行到我死死下，今次都OK，因為上山頂太大風，我地留左一陣就行返落伯公搭巴士去東涌！我地仲向東涌食埋飯至走！