南涌郊遊徑+石板潭

      

       

 

熱死辣辣我仲走去行山，我係咪傻傻地呢？今日我同小林子跟左莫Sir同佢既朋友一齊行南涌郊遊徑。我地約左八點半向粉嶺火車站等，行程大約三個鐘。所以個個都無帶乾糧。嘩！今日好鬼熱又無風，好彩沿路都有樹蔭。如果唔係都幾慘！行到中段有條澗，我地當然二話不說就即刻除鞋落去玩水降溫。玩左一陣就繼續行程。本來一點多就行完南涌郊遊徑。但佢地話一場黎到不如行埋去石板潭啦！來回都係半個鐘度。咁大家都無意見就決定行，行到去見到有水當然又走左去玩多陣啦！咁鬼熱，點知一玩就玩左成個鐘，個個都好倦唔想沿路返上去，所以就決定行澗落去，但落到下游先發覺無路，好彩揾左一陣都揾到路，行到出去見到有屋就以為已經到，點知屋入面既婆婆話我地知仲要行多半個鐘至到小巴站，當時已經係三點幾！大家都好肚餓(我早餐只係食左半個咸牛肉飽，仲有成程背住部D50+1500ml水，真係好鬼死重架)所以大家決定行捷徑，剷在十五分鐘林(我隻腳比D葉介花晒喇)終於都行到去小巴站，小巴站門口有間士多，我地拿拿淋每人整返碗冰凍既豆腐花先！我地就係向34度高溫下行左六個幾鐘頭！

每當變幻時

今日終於都睇左每當變幻時，成套戲我最鐘意有兩段。第一段當阿妙知道餅佬結婚而立即去買銀包。第二段當佢知道魚佬好而想一齊！
第一段
阿妙：個銀包呢！
售貨員：已經比人買左喎！
阿妙：咁呢個款有冇個有扣架！
售貨員：無喎！
阿妙：咁呢個有冇第二個顏色！
售貨員：無喎！
阿妙：咁呢個有冇新架！
售貨員：得返呢個，咁你要唔要！
阿妙：要！
第二段
魚佬：點呀！揾到你個似Prada既Gucci銀包未？
阿妙：揾到啦，比你睇呀！（諗住向手袋拎之前魚佬買比佢既布銀包）
魚佬呢個時候電話響
魚佬：打電話比爸爸做乜呀！你比媽咪聽啦！
收線後
魚佬：你又話揾到個銀包既，快ｄ比我睇啦！
阿妙：唔好睇得唔得！（其實呢個時候魚佬已經知道佢所講既銀包就係當時向阿妙表白時所買既銀包）

當時不懂珍惜，以為他/它會長伴身邊，到懂得珍惜時，就已經錯過了。銀包如是，人亦如是！