迷@黃山之旅 Day 1

襯住七一放假，請兩日就有五日假所以就去在黃山走一轉！為在唔想咁麻煩，所以大家一致決定句車由香港到深圳機場！約左廿七號朝早七點向九龍灣等，點知六點半就去到，咁早咪去過麥記食個早餐先囉！食完剛剛好七點，等齊人就出發！因為今次架車行左去深圳灣果邊，所以成八點半至到機場，去到機場當然就去check in先啦！攪掂好晒佢地就去食早餐！準時十點鐘起飛，杭洲我黎喇！去到杭洲先搭巴士去到汽車站，然後就買定車飛去屯溪，買好後就去食個午餐先，之前上網睇到話外婆家呢間徽菜幾好食，於是就去呢間試試，食完之後就出發到汽車站，原以為向附近，點知問人先知原來都幾遠下，最後坐在成差不多半個鐘先到，就向我地落車既時候就有幾個人走埋黎問我地係咁去屯溪，我地話係，之後就叫我地跟佢地車，因為去屯洽既車剛剛開左，佢話會幫我地截停架車，就係咁，我地就跟左佢地上車，唔洗一陣就追到架巴士，去屯溪大約要三個鐘車程，今日咁趕就緊係向架車度訓一陣先啦！原來我地唔係向總站落車而係向中途落車，落車後仲要再轉多程車先到我地訂左房既青年旅舍，又再坐多半個鐘車，終於都到旅舍喇！安頓好之後，我地就到附近既老街行下，老街同麗江或張家界都好似，行左一陣食埋晚餐我地就返旅舍休息。

青大石澗

早幾日大家都話無野攪，於是喪人就話不如去行澗，我就無問題不過就想佢搵條容易D行既澗，因老人家我閃親條腰，所以喪人就揀左呢條青大石澗比我呢個老人家黎行，約左九點鐘向元朗等，食完早餐就搭車入白泥。向總站落車就向村入面行，最後行到去閘口仲要擒閘入去添！人到去仲有”實Q” 叔叔教我地點樣行入去添，行到澗口就已經要澗水行，呢條澗都唔算難行，但就成日要澗水行，因為條澗有好多沙，所以每行一步都會揚起D沙，好多時都睇唔到水有幾深，加上幾個男仕又行得鬼死咁快，攪到最後得返我地兩個女生向後面，行到D水深位都真係進退兩難，澗水又唔係，擒石又唔係，攪左一大輪至追到佢地，之後就大休，大位果位實左太舒服，所以個個都向度訓個晏覺先，訓醒就開始行返出澗，睇地圖就話行多一個鐘就到良景村，但就好似行完一個山頭到一個山頭都未到咁，喪人仲話不如行埋上青山喎！大家都真係彩佢都傻，最後行左個半鐘就回到文明了，之後仲借用埋朋友V既Office黎洗腳換衫添！