聖誕汕尾風車島之旅 Day 3

因為今日既節目基本上就係返深圳，所以當然就訓到自然醒啦！之後就出去搵食，點知行到去公車站比我地見到有車直到深圳羅湖火車站，呵呵既然係咁我地就決定先到深圳後再食野，點知就係咁又搭左四個鐘頭車先返到深圳，成日未食過野仲唔澎澎聲去食飯呀！

聖誕汕尾風車島之旅 Day 2

第二朝訓醒，先去食個早餐先，之後再返旅館問下姐姐點樣去風車島，本來姐姐就教我地搭公車再到發電廠再行過去就係，但我地搵左好耐都搵唔到個公車站，最後只好向路邊截好似柬埔寨搭過既tuk tuk，本來都無乜事既，但當tuk tuk司機行至一條無盡路既橋時，我居然見到佢”鐘” 眼訓~~嘩，唔係嘛，我又唔敢同佢地兩個講喎，自己成程車就嚇餐死！好彩最後都安全到步，但原來成島都係風車，或者天氣唔好，所以黎既人唔多(其實都係得我地三個XD) 想叫個司機等埋我地至走，但佢話呢頭有好多車經過(佢呃我地架)，其實呢度真係好靚只可惜天氣唔好，我想熱天黎應該會好靚，風車島好大，我地三個係咁一路行一路影，最後就係咁玩左成兩個幾鐘，想返出去既時候發現一架車都無呀！所以我地只好行返出去諗起個條無盡頭既橋，真係唔知要行幾耐先返到出去，終於向行左個幾鐘頭後，終於都有架車喇~~唔洗一陣就返到旅館，返到去都係四點鐘，所以我地再搵車去埋品青湖，問過幾個tuk tuk司機都唔識去，最後只有一個識去，我地一上車佢就問我地去果度做乜？佢話果度無野好睇架喎！去到個湖其實OK靚，只不過係因為附近開始起樓了，所以司機叔叔咪唔明點解我地要去個地盤做乜？之後佢又介紹左一個地方比我地，咁我地就要左佢個電話，如果聽日真係好天就再call佢，返到旅館都七點，今晚再返去尋晚食過既飯店，老闆娘好明顯認得我地！呵呵~~