冼大B

 

30號朝日一起身就收到二佬個Whatapps，亞嫂生左喇！呢隻B比預產期早在個幾禮拜出世，趕向13年出來見大家，而我，無啦啦做人姑姐了~~放工即刻去醫院探大B，眼仔碌碌好趣緻，可惜似足佢老豆個樣，似樣好喇，咪似佢咁肥呀~~

X’mas party 2013

 

每年的聖誕我地都會去Karen姐屋企攪Party同交換禮物的，今年都唔例外！Karen姐今次訂D三文魚同北寄貝刺身簡直係無得頂呀！三文魚刺身切仲長過條脷，美味的聖誕大餐！幸苦Karen姐了！

澳門水舞間

 

同表妹夾左好耐期先夾到今日去澳門睇水舞間，因澳門住宿太貴，所以我地決定即日來回。先搭九點半船到氹仔，可是來到卻下起雨來，所以先搭賭場免費巴士到威尼斯人，見大家都有點肚餓，就找間酒樓飲個茶。吃飽後再在威尼斯人內逛了一會，見出面沒下雨，四位老人家想去大三巴，於是分兩架的士，但落車時出面卻是倒水一樣，快快找了個有瓦遮頭的地方避雨。來過澳門幾次都未食過翅，見落緊雨，不如去食返磅啦！食完再行返出大街，無無聊聯既我們居然連小小的當鋪博物館也不放過。睇完再去義順食個燉蛋後再搭車返新壕天地攞飛，水舞間果然好睇，開頭都怕兩老會覺得悶，但睇完後佢地拍爛手掌話好好睇，咁呢千六蚊都算洗得值！最後再返官也街食晚餐，滿足的一天！

港島東市集 Island East Farmers' Market

 

第一次和朋友夾份租了個攤位來買自己做的手作，因為臨近聖誕，所以主力都是做一些聖誕飾物或聖誕咭。雖然兩日生意額加起來還算叫賺了少許，但我知有部份其實是朋友來探班時買的。今次終於都知道生意難做。

Lam’s Brithday 2013

 

今年亞琳生日，好自然又是在Karen姐屋企攪，真係辛苦晒！琳琳，祝你生日快樂，心想事成

花瓶頂

 

四川行山第一次拉練，Jackie兄編了條超長路線，由青洲仔行至萡刀屻，N上N落，唔知幾多公里。一早約在青嶼幹線收費站，不過有人遲大到。一開始就要上條長命的樓梯，日久失修，行得好辛苦。幾經辛苦先來到花瓶頂，遠望見到對面山頭有幾隻營向度，等到行到埋去才發覺有熟朋友。打過招待後又繼續行程，何解十一月尾還是這麼熱，或許是我要追著他們的步速？還是我意志薄弱，只不過行了兩個小時就很辛苦，大腿沒力。所以跟他們說不行，我要撤退，雖然他們也鼓勵我繼續而且也不放心我一個人自己走，好在這個時候有兩個外國人從反方向過來，他們的目的地是欣澳，所以我就跟他們走了。

P.S. 行完回家後，兩條腿痛到死！

大埔外攝@ Chak Sir

黑白的美相展的第一次外攝，同學仔帶了我們到他朋友家的後花園拍照。當日老師講解4x5大底菲林機，不過我卻一點興趣都沒有，一個人拿著數碼機亂咁影！唉，今次相展點算好？

Iris & Fung Wedding 09/11/2013

 

好開心可以見到妳踏入教堂，祝你同Fung 白年好合，永結同心。如果不是之前遇到的那個是錯的話，又怎知現在這個是好呢？另外，今日既契仔好有型！

mok mok南丫島行

 

好耐無見過Mok Mok 喇，所以佢地一問我同唔同Mok Mok一齊去南丫島行下，諗都唔諗就應承左。約左三點向碼頭等，Kitty媽永遠都係向最後一分鐘才到的，又比佢死好命趕到船。去到南丫島，有人說話未食野，所以先去醫肚。試在個朱古力西多士，都算好味。之後就沿住大路由榕樹灣行到索古灣，可能係假日關係成條路都好多人。來到索古灣時都差不多五點幾，食晚飯又好似早了點，所以再向附近行下。來到西貢當然是要食海鮮啦，個個都食到飽飽咁回家。