今次好開心跟左travellife去貴州探訪山區小學，30號一朝日5點半就向亞琳屋企出發都到上水集合。約左travellife其他人向落馬州等一齊到深圳機場搭飛機去貴陽。大約12點多我地就到左貴陽，食過午飯，就坐車入苗寨，今次參觀既苗寨叫千戶苗寨，唔知係咪真係有成千戶呢？我地足足坐左差不多成5個幾鐘車先入到去，原先係諗住參觀完就出返市區，但入到去已經係夜晚8點，所以就決定向寨入面留宿，但一下只點找到六十幾人既住宿，好在村民都好熱心咁幫我地，當晚我地就向寨中度過，雖然天氣好凍但都訓得好溫暖！
朝日起身擦過牙洗過面，就見到村民開始幫我地準備早餐，早餐非常豐富，有皮蛋瘦肉粥，有麵線等等，好味到不得了！
食過早餐，大家就出發去久仰鄉既小學做探訪，今次又再次要坐6個鐘頭車先到，大約3點多我地就到達久仰鄉。大家出發之前已經從香港帶左好多物資上離比當地既小學，好似文具呀，舊衫，玩具等等！因為小學既位置向山上而且仲要再行多3個鐘至到，開頭大家都好高興咁行，但行左一陣大家又討論係咪應該上，最後決定分兩批人，一批係繼續上山，另外一批就沿路下山。因為擔心夜晚落山既路會危險，所以決定唔上(如果佢地一早講話會咁向山上過夜，咁我點都會上，唉..........)沿途行返去落車處時，我地見到有一班小朋友向度玩緊！大家就同佢地影相，可能佢地好少見到村外人，所以佢地都好好期咁圍住我地，其間其他村民都過來看熱鬧，佢地仲著晒民族服裝比我地影相添！
佢地從不停咁灌我地飲酒，又教我地唱山歌，好開心，佢地個個都好熱情，我仲有機會試帶佢地頭上既銀器頭飾，原來個頭飾好重架，帶上頭仲有D痛添！我地向條村到玩到天黑至走，佢地仲好好送我地落山，落到山已經黑晒，仲要饑寒交迫，好彩村民佢地安排我地向山下另外一間小學等上山既朋友們，過左一陣就收到山上朋友既電話，佢地話夜晚落山太危險，所以就決定留宿山上，仲叫我地先搭車回貴陽，村民見我地未食飯，仲安排埋晚餐比我地，感動！食過晚飯我地就搭車回貴陽，其實大家都好驚，因為山路崎嶇加上前一晚落過雨，如果向中途壞車都唔知點算，因為我地坐駪既呢架車有前科架啦！好彩都冇事！當大家以為可以平平安安回貴陽既時候，佢居然向高速上面爆胎，天呀！個陣已經係夜晚11點幾！點算呀！我地足足等左2個幾鐘架車先無事！我地就起架車上面度過難忘既除夕夜，成車人一齊向架車上面倒數，12點既時候成車15人一齊歡呼！其中一位團友仲拎左一包朱古力出離比大家分享！返到酒店已經係4點幾！坐左成8個鐘車，屁股都扁左！本來兩日冇沖涼既我好應該先沖涼，但實在太倦所以決定訓醒再沖！
訓醒已經係10點鐘，沖過涼成身都舒服晒，今日我地會參觀屯堡，屯堡好似一個古城咁，可能之前去過麗江古城所以覺得冇乜特別，參觀過後就去機場會合山上既朋友，向機場見到佢地好像仿如隔世，大家都離個擁抱，因為大家都擔心大家既情況！而且大家仲即刻交換各自既所見所聞，當大家以為可以安心回去既時候，飛機居然Delay仲要唔知記時可以起飛，唔係要背埋個包包返工嘛！好彩等左2個幾鐘，飛機終於起飛，返到屋企已經點幾！雖然係辛苦，不過好有意義，期待下次探訪
