終於都行到蚺蛇尖啦

因為表表同亞琳都有事唔去得！而且今次仲係我想行既蚺蛇尖，所以得我自己一個都決定去行。今朝約左八點半向鑽石山等，之後就搭巴士去北潭凹，我地由北潭凹出發，大約都左十二點到我地就到達行上蚺蛇尖既入口，大家就親上山之前食過午餐，等陣間有氣有力行上山。食飽後就出發攀登蚺蛇尖，其間我地要上三段好斜既山路，全部都要手腳一齊用至行到上去，終於二點鐘我地成功上到尖頂。上到去又再開多次餐。食完野影過相後，就是落山時，落山既路都幾斜，而且仲有好多碎石！有D時候都要好似四腳爬爬咁爬落去，開頭以為會好快就到，點知行完一個山頭又一個山頭都未到，而且隻腳又開始痛！大約行到差不多六點鐘我地先行返去今朝食晏個個位！跟住我地就打電話比表表叫佢去西貢等我地食晚飯，我地行出碼頭個段路，天都黑晒！之後我地坐返船出黃石碼頭，等車既時候我抬頭望向天見到滿天星星，向香港真係好少機會可以見到。出到西貢，等埋表表我地去食海鮮！今日真係茜利，行左九個鐘頭山又天光行到天黑。