初一客家土樓之旅

今年大年初一又跟左travellife去福建睇客家土樓，初一晚就約左九點鐘向上水火車站等，之後就去深圳搭旅遊巴去福建。原來由深圳去福建要坐成8個鐘頭車，途中司機仲要迷路添！去到目的地已經係初二朝既六點鐘，大家放低行李就去食早餐，食過早餐就去參觀客家土樓，原來這些土樓依然有人住，食過午餐之後就繼續參觀佢地既民族村，入裡既土樓大多數都改裝成博物館。行完民族村後都已經6點多，之後就返回我地住既個幢土樓食晚飯，吃過晚飯本來諗住大家一齊去浸溫泉，但村長同我地講話溫泉已經滿客，所以冇得浸，跟左我地就決定放煙花，大家就走到空地那邊玩，我地除左買個D可以拎向手上面既煙花之外，仲買左好大個放向地下既煙花，香港年初二向維港放煙花，我地就向福建土樓放煙花。

玩完煙花都係10點，大家都唔想咁早訓，所以就去左其中一個團友既房間玩埋D白痴遊戲，由於我地實在玩得太大聲，好怕會嘈到其他人，所以最後我地搬左去餐廳個邊繼續玩，其間我地仲向廚房拎左一箱啤酒出離飲，唔知小公主係咪興奮得制，已經開始有醉既即像。仲不停向度傻笑，佢攪到我地都笑到肚痛，玩得12點多我地就返房訓。

第二朝大約8點多就起身，大家刷過牙洗過面又去食早餐，食過早餐又繼續我地既土樓之旅，可能尋日已經睇過再加上今日落需，所以大家既興趣已經冇第一日咁多，加上今日要趕夜車返皇崗，所以大約6點鐘我地就食晚餐，今晚既晚餐係全牛宴，大家都食得好開心，但其中有一碟我地唔知係咩野(之後先知係牛胎盤，食既時候就猛咁話好食)食完飯又要開始我地8個鐘頭漫長車程，返到屋企已經係初四既凌晨5點。初四仲要返工真慘！

同ah mok一齊行吊燈籠

今日跟左ah mok去行吊燈籠，我地約左九點鐘向大埔火車站等，本來hapmorn都話去架！不過佢臨時有野做，所以離唔到。我地就搭車去新娘潭出發，落車之後就沿住上次行印州塘既路行去烏蛟滕，行到其中一個分叉口，我地就開始行上山，向下面望上去就已經覺得好斜，點知行落又唔係想像中咁斜同要行咁耐，大約行左一個鐘頭到我地就行到山頂，不過今日好大霧，所以睇唔到印州塘全景，向上面休息左一陣，我地就開始落山，行到分叉路我地就諗緊直接行返落烏蛟滕好定行去荔枝窩，最後決定行去荔枝窩，其中有段都好斜，落既時候都要慢慢落，本來諗住去到荔枝窩就食野，點知個度D雞粥買晒，所以決定行出三椏村食雞粥，行到三椏村既時候已經三點鐘，我地食過雞粥同豆腐花後，就行返出烏蛟滕。今日又行左成差不多七個鐘頭山，仲要係冇乜點休息過，勁呀！好彩隻痛腳今日都好聽話，行到最尾個幾步至開始痛，佢應該康復中架啦！

南澳之旅

星期六跟左travellife去左深圳南澳兩天遊，星期六我約左chris同表表向上水等，我地去到粉嶺等直通巴士既時候，已經係三點三，所以馬上打電話比黎生話比佢知我地遲到，去到沙頭角都已經係三點九，要所有人等我地三個真係唔好意思！之後就出發到大鵬古城，我地向古城行左大約一個鐘頭，就去食晚飯，原來我地今晚食海鮮呀！我地總共叫左成十個，個個都食到好飽，之後就返酒店休息，因為聽日要行七姑娘山，向夜晚我仲諗緊行唔行山好，其實好想行架！但又驚自己隻腳未好返，所以第二日都係決定唔行，表表同Chris就決定上山，我地食過早餐之後，就要分開啦！佢地就上山，我呢就同其他唔上山既朋友一齊遊觀音山同西涌，因為我地有太多時間，所以大部份時間都係hea，大約三點多我地就去食土雞，順便等埋上山既佢地。D雞好多好味！第到我地差不多食晒既時候，佢地至出現，原來表表同Chris最尾都冇上到山，食過飯後就搭返巴士去深圳。

VV勿語

     
今日同左表表去睇舞台劇"VV勿語"，咁大個女都係第一次睇舞台劇，今日準時六點放工，用左中間既空擋去左買牛仔褲過新年，之後就趕出中環同表表會合，晚餐係一個吞拿魚飽，我地大約七點三去到，向大堂見到Chris傾在幾句就入場，原來我地坐得好近，開頭都覺得有點悶，但當佢地講到有關一D婦女被人侵犯既故事，再加上短片，個一刻就覺得好震撼，因為除左令身體受傷之外，心靈上既創傷先係最慘，身體受傷可能過一段時間就會無事！但心靈上既創傷可能係一世都唔會好返！