南澳之旅

星期六跟左travellife去左深圳南澳兩天遊，星期六我約左chris同表表向上水等，我地去到粉嶺等直通巴士既時候，已經係三點三，所以馬上打電話比黎生話比佢知我地遲到，去到沙頭角都已經係三點九，要所有人等我地三個真係唔好意思！之後就出發到大鵬古城，我地向古城行左大約一個鐘頭，就去食晚飯，原來我地今晚食海鮮呀！我地總共叫左成十個，個個都食到好飽，之後就返酒店休息，因為聽日要行七姑娘山，向夜晚我仲諗緊行唔行山好，其實好想行架！但又驚自己隻腳未好返，所以第二日都係決定唔行，表表同Chris就決定上山，我地食過早餐之後，就要分開啦！佢地就上山，我呢就同其他唔上山既朋友一齊遊觀音山同西涌，因為我地有太多時間，所以大部份時間都係hea，大約三點多我地就去食土雞，順便等埋上山既佢地。D雞好多好味！第到我地差不多食晒既時候，佢地至出現，原來表表同Chris最尾都冇上到山，食過飯後就搭返巴士去深圳。