窺心事

       
今晚約左藹藹去睇舞台劇--窺心事，之前知道會睇所以事先上網睇左個故事大綱。其實個故事幾有趣，一切從一個大話開始，為左唔想比人知呢個係大話，就不停要講大話去支持之前既大話，最後當然就越攪越複雜。結局都係大團圓結局。呢個舞台劇令我諗起多年前既另一套舞台劇--撞板風流。
成個劇我覺得做得最好既係陳文剛(即劇中焦媛既老公)佢既演出好有舞台劇既感覺，但你又唔會覺得浮誇。表達得剛剛好。反而焦媛就太過浮誇，有點反感(亦明白點解上次有朋友睇完VV勿語後就話以後唔睇焦媛)而其他演員表現亦不過不失。