(湖中的小船)
如果唔係尋晚無沖涼，我都唔會向個咁溫暖既被窩入面行出黎。七點幾就起身沖涼洗頭，之後就到Sam，點知到Kitty媽既時候居然無熱水。好彩老闆娘借左另外一間房比佢，佢先有熱水沖涼。執好晒行李，食過早餐就去停車場集合。人齊就搭車出發到張家界。因為我地會路經芙蓉鎮，所以我地就向呢度停車參觀一下，順便食個午餐。
(芙蓉鎮的街道)
(好可愛既BB)
(芙蓉鎮的城門口)
因為時間唔係太多，所以向附近行左一陣就去搵食，周圍都只係得一D買小食既店鋪，搵左好耐至搵到一間飯店。拿拿淋食過飯，又再次坐車去張家界。其間因為我地同導遊為左晚餐上既安排而有所爭吵，導遊中途停車，經過一輪商議，最終我地今晚既晚餐都係要跟導遊既安排。去到張家界既酒店已經係夜晚既六點多，分好房放低行李，就去食晚飯。本來諗住食完飯沖完涼就訓覺覺豬，點知Sam又提議不如去洗腳。最後一行七人又去左附近洗腳。洗完腳返到酒店已經差不多十一點幾，仲有幾分鐘就十二點，所以我地個個都圍晒向走廊度準備倒數迎接聖誕節既來臨，不過我地實在太嘈，倒數完就即刻比人鬧，所以數完即刻四散。散完又有人提議玩killer，貪玩既我地當然就有去玩啦！最後又玩到三點幾至返房訓！
沒有留言:
張貼留言