呢陣個個朋友仔都掛住玩水，我呢D唔識游水既就真係慘，所以星期日唔覺意做左朋友J既電燈胆，三個人去左行港島徑，我地今次由第八段既終點大浪灣出發逆行至第七段既起點。因為我地約十點加上食埋個早餐，所以成十一點八先起步，開頭既一段山路都幾好行，只係無乜風，之後接上石屎路，沿途見到好多人黎行下當做運動，行左大約三十分鐘既行路，又再次行返山路，呢段就悶D只係圍住個山腰行，行左差不多成個鐘至見到上龍脊既入口，呢段路開始先叫做有D風景睇，其實天氣好既話係可以見到成個石澳同大浪灣，之後就行返出八段既入口，再過對面就係七段既出口，好彩係決定逆行，唔係要行呢條長命樓梯就慘囉，落完呢條樓梯就開始行入引水道，呢段港島徑七段全段都係磨滅意志石屎路，仲要無景睇無野玩，齋行個半鐘，頂~~~行完倦到死，拿拿聲搭車出西灣河食糖水！
我話過以後都唔行港島徑第七段~~~~
沒有留言:
張貼留言