屏南石澗

星期日天氣咁熱，就緊係去行澗啦。約左九點向粉嶺等，先去麥當當食個早餐，齊人就去搭小巴，向南涌村落車，沿住石屎路行，行至閘口位就開始轉行山路，本來我地係諗住去屏嘉石澗睇壺穴既，點知行錯左路，咪為有將錯就錯囉！唔知係咪天氣太熱，大家行左唔夠一陣就已經要落水玩！沿路都係咁樣一路行，一路玩水，去到有個靚位我地就大休開爐煮野，向大休位唔覺唔覺又留左成兩個鐘，食完野行返出澗都已經係五點幾，但朋友A話一場黎到無理由唔去埋個壺穴睇睇架，而且只係要行大約半個鐘！最後大家都一致決定去埋，因為怕天黑行澗困難，所以去到壺穴都係匆匆影過相就走！

迷@黃山之旅 Day 5

正當大家都諗住影日出計劃可以放棄已訓到晏D時，大約七點多就聽到隔離房既團友大叫有太陽呀！快D出黎影荷花，聽到即刻成個人醒晒。拿拿淋起身刷牙洗面攞相機就走，一出去就見到幾日無見既太陽伯伯，可能時間尚早，行到去荷花池都係得我地幾個人，係咁影左個幾鐘，個太陽開始猛，而且人亦開始多，所以就執野去食早餐，可能好多餐廳都只係做午市，我地搵左好耐至搵到一間，農因為佢剛剛開鋪，只有榨菜肉絲麵，好肚餓，時但啦！食完麵就繼續四圍行，呢個時候又係發揮女人愛購物既本性，我地幾個女人係咁買絲巾，頸巾，扎染裙同銀器等等~~~買咁多野我地當然會講價啦！之後就返旅館執好行李準備回家了~~我地先搭車到屯溪，之後再搭長途巴士去杭洲，去到杭洲都已經五點幾，有D肚餓，所以去食個唔知下午茶定晚飯，食飽飽就再搭車到機場，咁五日既黃山之旅又完了~~~

迷@黃山之旅 Day 4

咁既天氣，第二朝日出計劃當然要放棄啦！訓到大約八點幾，食個早餐就再到附近行下，我地先到飛來石，之後就再上光明頂，其實沿路一路行都一路落雨，只係時大時細，到我地上到回音壁時D風大到簡直等同八號風球一樣！之後上到光明頂，本來都無雨架喇，點知正想拎相機出黎影相時，個天居然落雨落到澎澎聲，好彩剛剛有個位有瓦遮頭可以比我地避雨咋！最後等左成半個鐘D雨先開始細D，見細雨就緊係即刻返旅館啦！返到去諗住問下姐姐大約幾點有車返落山，點知姐姐話加陣咁既天氣，有機會會停索道。一聽到呢句大家都呆左一呆，於是我地叫姐姐幫我地check下下一班車會開幾點，點知居然係十二點半，但現在已經係十一點半，加上仲要執野同行去車站，但大家都覺得等下一班車走呢個計劃搏唔過，所以極速執野，向"咩"住full gear加上大風大雨下趕路去車站都咪話唔想死！好彩我地向十二點廿五分到車站，因為呢個站比較少人搭，如果趕唔到係起碼等成個鐘，入到候車室已經有一班人向度，等左大約十五分鐘架車就到！向咁既天氣下搭索道你都咪話唔驚，一路行一路搖，行到中間仲停鬼左好度，好彩最後安全落山，再駁返車出市區都成三點，個肚勁餓所以先搵野食，食完野見有時間，又走鬼左個隔離買茶葉既鋪頭睇睇，點知唔睇又自可，一睇每人擺低$$$，我已經係買得最少既一個，只係買左黃山出名既毛峰，其餘團友就………. 呵呵！之後再坐包車入宏村，入到宏村一落車就有成班嬸嬸圍住你買呢樣買果樣，好彩旅館姨姨幫我地解圍咋！去到旅館放底野之時就已經聽到大少奶佢地大叫，原來有小強向佢地間房，好男人豬叔叔立即出手收服小強，說時遲那時快，又到我大叫，因為、因為、因為向房門口居然見到我至驚既……………. 四腳蛇~~~~~~救命呀，第一時間關房門，之後每出一次房門前會極度留意隻衰野仲向唔向度！安頓後見時間尚早，又出去行左個圈，可惜天依然都仲落緊雨，之後食完晚飯就回房休息，大家已經對影日出不再作任何期望！