石龍坑

話說” 姣婆” 星期五打電話比我，問我星期六去唔去行澗，好耐無行過澗喇，所以go~~約在大家九點半向荃灣地鐵站等，但我地早左半個鐘到，所以先去食個早餐，食完早餐都仲未見到人地細佬，最後要等到十點先見到佢，仲要臨去小巴站時走鬼左去吉野家買個牛肉飯做早餐@.@，之後就搭小巴到汀九落車，沿石屎路行到一個引水道位既澗邊就上，呢條澗唔算太長，但就好多攀爬位，真係辛苦左我呢個哈比人，大約兩點多就已經行完，但喪人們玩得不夠引，佢地要過埋石龍南石林那邊抱抱D石喎，但你地抱還抱，點解我都要同你地一齊抱@.@，攀完成個膝頭哥瘀晒！喪人們玩石玩到四點半先願意走，之後就由元荃古道回荃灣回家去~~