Avatar 阿凡達

故事大網
敘述在未來世界中，人類為取得另外一個星球的資源，開啟了阿凡達計劃，以人類與納美人的DNA混血培養出身高近3米高的阿凡達，以利在潘朵拉星球生存並採礦。受傷後以輪椅代步的前海軍隊員Jack自願接受實驗並以他的阿凡達來到美麗如詩的潘朵拉星球。Jack在與納美人接觸且結識了Neytiri後，卻面臨一場意想不到的浩劫，在這唯美幽境裡，地上爬的、天上飛的、土裡鑽的生物隻隻巨大致命，同時還展開了Jack一段探索與救贖的旅程。
從我知道有這套電影的時候，我就已經很想去看，剛開始時以為這只是一套科幻特技的電影來看，但看過後才發覺他同時亦帶出了反戰和環保的意識。電影中的潘朵拉星球在我心中等同一個烏托拜、世外途園，但貪心的天空人為何只顧著自己的利益而要去破壞一個美麗的地方。這和現實生活不是一樣嘛？
片中有一句話我很記得的，就是”星球給你能量，最後還是要歸還的”

阿凡達製作花絮

阿凡達預告片

http://www.youtube.com/watch?v=1FVUudCHK4o

赤柬高棉之旅 Day 4

Day 4暹粒 (Pre Rup變身塔、East Mebom東梅奔、Ta Som塔遜、Neak Peam涅盤寺、Preach Khan寶劍寺、Terrace of the Leper King癩王台階、Terrace of the Elephants戰象台階、Phimcanalces空中宮殿、Baphoon巴方寺、Prasts SuorPrat、Victory Gate勝利門、Angkor Wat小吳哥日落)

因為尋日影唔到星，所以今日我地兩個就決定四點就起身去露台影，可惜起身走出去望一望就發覺太多雲，最後都係返去繼續訓覺算喇！最後訓到八點起身，剭完牙洗完臉就出去食個早餐先，食飽飽就返旅館等tuk tuk司機，正當我地架tuk tuk差不多到門口既時候突然間比警察叔叔截停左，我同朋友仔都唔知發生乜野事，只係見個tuk tuk司機走埋去同佢地傾左好耐，大約十分鐘後tuk tuk司機就返黎，因為tuk tuk司機既英文唔係太好，我地只知大概係佢無帶tuk tuk司機要著果件編有號碼既背心，之後就繼續向吳哥出發。(今日主要係行旅遊書上介紹的大圈) 總係覺得每一間廟的好似差不多咁！就向我地諗住去影日落既時候，tuk tuk司機又再次比警察叔叔截停左，今次我地都估應該都係因為同一樣野，可能個警察叔叔見我地兩個好似好驚咁，所以主動走埋黎解譯究竟發生野乜野事(最後同我地想像既分別不大) 。本來tuk tuk司機想帶我地返巴肯山影日落，但我地話想去小吳哥！因為時間尚早，所以我地就向小吳哥hea下坐低傾住計咁等！是日日落都還可以，影完日落，我地就出返市區食晚飯。

露營兩週年@昂坪

話咁快又係露營兩週年既日子，本來係去狐狸叫的，都係因為我第二日要好早返出黎影紅葉，所以最後改左去昂坪，約左11點向東涌等，點知得昇哥一個準時，我地先去老麥食個lunch，之後就見到Peter，三個人食完個lunch之後就去超市買今晚同聽日既野食，買好就搭巴士到昂坪。去到行緊入去既時候就見到有架的士向我地既方向入，我地就諗唔係嘛，咁近都要搭的士？入到去已經有一班人向度起緊營，原來係的士班人，我地三個起好營都只不過係兩點幾，於是我同Peter就出左市集買下午茶，買完返黎昇哥就去攞水，點知我地食食下既時候對面有個人走過黎同我地傾計，原來佢地成班都成日去camp，佢地主要去hea camp，每次去都係為左煮野食！傾左一陣就走左。我地三個向度傾下計吹下水之後，就開始準備今晚既晚餐，當我同Peter入去廁所洗菜既時候，有一班o靚仔o靚妹問我我地入面仲有無位，我地就話得返最底既一層，之後又問夠唔夠扎一個八人營同一個二人營，我會都夠既，之後佢地向門口商量左一陣就行入營地睇(我心諗，你地明知咁大班人就搵人早少少入黎霸位啦！衰D講句，無位你都要搵位扎啦係咪呀) 之後洗完菜我地就返入營地，遠處已經見到班o靚仔對我地既位望望貢(因為我地三個營霸左兩格位) 班o靚仔真係走埋黎問有無位，我地話無喎，我地仲有朋友入緊黎。之後佢地先死死地氣咁走開！大約六點多D，河生河太同大姐先入到黎！今晚晚餐打邊爐，正(真係要多謝河生河太既小肥羊~~)，烚下烚下又攪到成十點，咁我地就去洗碗，點知去到廁所，成個面盆都比D飯塞住左，去唔到水，無野呀！有D公德心好喎！唉~~~加陣D妹妹仔，攪到我地要用另外一個黎洗碗，執好野大家又坐向度吹下水，一吹又成兩點幾至訓。
因為要趕返出去影紅葉所以第二朝七點幾就起身，起身既時候個個都仲訓緊覺，執好野都係八點到，見咁早，坐向度等又凍冰冰，不如出去影下無人既大佛同市集啦！

赤柬高棉之旅 Day 3

Day 3 暹粒(Angkor Wat小吳哥、Bayon巴戒寺(高棉的微笑)、Chan Say Thevoda周薩神廟、Thommanom托瑪儂神廟、Ta Keo塔高寺、Ta Prohm塔普倫寺、Banteay Kedi斑黛喀蒂、Sras Srang皇家浴池、Prasat Kravan荳蔻寺)

因為今日要去影日出，所以四點鐘就起左身，洗完臉就拿拿聲出發，唔知係咪因為柬埔寨無乜光害，所以沿途都見到滿天星星！我地兩個一邊搭Tuk Tuk，一邊伸個頭出去睇星星，本來諗住有時間應該可以一次影晒星星同日出既，但當我地去到小吳哥set好機，個天都已經開始光，算啦！星星留返下次再影，先影日出，因為我地去到都已經好多人，所以個位唔算太好，可惜是日日出麻麻，之後我地就向小吳哥入面行下，入面其實有好多地方都圍住左，做緊維修。行完就再到巴戒寺(高棉的微笑) ，行到個寺既頂位，見到有個香港女仔向度同隻貓仔玩緊，於是我地兩個又走埋去一齊玩，隻貓貓好乖，任我地舞，哈哈~~玩完貓貓行多一陣就再向其他廟出發(其實有好多廟都向度維修緊，加上睇多幾個就覺得個個都好似差不多) (今日主要行旅遊書上介紹的細圈) 最後睇到兩點幾睇完，先返旅館放低行李就出去食個tea，唔知點解呢度D餐廳上菜上都好慢，攪到我同朋友仔兩個等到差D訓著左！食完個tea就真係頂唔順，點都要返去訓個覺先得，一訓又是六點幾，之後就出左去試下當地人既大排擋，唔好講少，呢度既炒麵真係好好味，食飽飽就再去Midnight Market同Moon Night Market買手信！