星期日又去左行澗，不過因為田太上午有D事，所以今次改左向下午出發。
約左點半鐘向粉嶺等，之後就搭車入鹿頸。落車唔洗十分鐘就到澗口，唔知係咪前幾日落雨既關係，所以下游既水都唔係好得。所以我地都無乜點浸水，好快就行到去橋山橋，但大家又點會夠呢？所以再向上行多少少，順便搵個位大休開爐煲糖水，除左糖水之外，仲有好味哈蜜瓜添！
2010年7月13日 星期二
冰火@雙鹿石澗
星期六，又是行澗日。
今次去左行雙鹿石澗，約左八點半向西貢等，點知準時的得我同豬叔，所以我地先去食早餐，點知食食下又會撞到來爬艇仔的區生和喪人。因為個早餐鬼死咁遲至黎，足足食左成個鐘，頂！食完就搭車入西灣亭，又要行磨滅意志石屎路，加上仲要熱辣辣，行到西灣都已經成頭汗，點知去完個洗手間出黎個天就黑晒，唔洗一陣仲落大雨添，頂！D雨打埋黎仲要好痛@.@，好彩行到上四疊潭時就開始細雨，我記得兩年前黎都無咁少水既，但今次唔知點解會少成咁，仲有就係D水好多青台，想浸落去降溫都唔得，以為去到千絲瀑會好D啦！點知一樣，乾煎下咁爬上千絲瀑，去到水霸位唔理得咁多，降溫要緊，之後再繼續行，去到大休位居然撞到朋友，咁啱佢地set左fly，咁熱既天氣下，就當然痴fly用啦！開爐大休，今次麻me幫我地準備左羊扒，好好味，飲飽食醉後就行返鹿湖郊遊徑出西灣亭！
2010年7月5日 星期一
橫涌石澗
七一行完，七三再行過，今次再行返因為上個禮拜因大雨而行唔到既橫涌石澗，約九點向大埔等，先去食個早餐，之後搵埋領隊就去搭小巴，點知小巴走左，要等好耐至再有車，唔想浪費時間，搭的士啦！其實正確位置我都唔係好清楚，只知道向馬路邊落車沿樓梯一落就係入澗位，唔洗五分鐘就到。唔知係天氣太熱？還是大家太想玩水喇，行唔夠十分鐘就要落水降下溫，就係咁玩下玩下，攪到成點先去到大休位，第一件事就緊係開爐煮食啦！食完就再去玩水，咁熱玩水就最開心！玩夠就繼續啦！其實大休位行返出澗都唔洗半個鐘，去到出澗位前既果條小小既小溪都唔放過，因為之後就要行個半鐘山路，無水玩囉，仲唔向呢個時候玩返夠本咩！行到去大尾督都已經四點多，搭小巴返大埔街市上面既體育館沖個涼，本來諗住去埋下面熟食市場食個tea架嘛，點知~~無得食XD
訂閱：
意見 (Atom)