冰火@雙鹿石澗

星期六，又是行澗日。
今次去左行雙鹿石澗，約左八點半向西貢等，點知準時的得我同豬叔，所以我地先去食早餐，點知食食下又會撞到來爬艇仔的區生和喪人。因為個早餐鬼死咁遲至黎，足足食左成個鐘，頂！食完就搭車入西灣亭，又要行磨滅意志石屎路，加上仲要熱辣辣，行到西灣都已經成頭汗，點知去完個洗手間出黎個天就黑晒，唔洗一陣仲落大雨添，頂！D雨打埋黎仲要好痛@.@，好彩行到上四疊潭時就開始細雨，我記得兩年前黎都無咁少水既，但今次唔知點解會少成咁，仲有就係D水好多青台，想浸落去降溫都唔得，以為去到千絲瀑會好D啦！點知一樣，乾煎下咁爬上千絲瀑，去到水霸位唔理得咁多，降溫要緊，之後再繼續行，去到大休位居然撞到朋友，咁啱佢地set左fly，咁熱既天氣下，就當然痴fly用啦！開爐大休，今次麻me幫我地準備左羊扒，好好味，飲飽食醉後就行返鹿湖郊遊徑出西灣亭！