N次狐狸叫 camp

開季Camp，對上一次都應該是一年前了。隻新營買左大半年喇，今次終於可以用。真係日久失修，由高流灣行去狐狸叫都只不過1個小時的路程，已經想死了。雖然話天氣有點熱，但真係感覺到體能下降得好快。

因為早入到狐狸叫，我地有時間整下午茶，我都係諗住食個蒜蓉包就算，想不到大叔會整pancake，仲要係自己開粉果隻，勁！晚餐我們係每人一餸夾食，之前因為天氣凍多數都是打邊爐，依然係仲未識煮飯既我，又再次要痴大叔既飯。今次我煮青瓜炒回煱肉。最攪笑既係大叔居然留底左包菜向食午餐既餐廳度。

第二朝起身後各自煮早餐食。本來的計劃是由狐狸叫行返出赤徑，但最後個個縮紗，都係搭船走就算。