難忘的桂林之旅

今個復活節假，我同亞琳兩個去左桂林既龍勝同陽朔玩，5號下午我地就約左四點鐘向上水既火車站等，之後就要去深圳個邊買定回程車飛，點知去到車飛已經買晒，我地就即係問有冇車飛返廣州，點知佢話要去到桂林之有得買，咁我地為有去到桂林至買啦！之後就搭6點既火車出發到桂林，咁大個女第一次坐長途火車去旅行咋。十六個鐘頭之後我地終於都到左桂林，第一時間就即係去買回程車飛，好彩.....有飛，之後我地就去公車站買去龍勝既公車飛，好快就有車，大約兩個鐘頭度我地就到左龍勝，我地仲要轉多一程車先到大寨，唉....以為坐一陣就到，點知都要坐左成兩個鐘頭至到，向巴士上面我地咁撞到一個挑夫，佢知道我地去全景樓就話幫我地挑背包上山，原來佢都係向全景樓內打工既！就係咁，我地落左車就跟住佢一路行上全景樓，開頭都以為行一陣就到，點知都要行左差不多個半鐘至到，其他挑夫都好好人佢擇左一條唔需要走回頭路既路線比我地行，既係今日佢帶我地去左一，二號景點，聽日就帶我地行去三號景點之後再落山，上到山頂既時候已經差不多五點，我地放低行李四周圍行左一陣就決定去洗白白，佢呃我地架！又話有熱水供應，點知沖既時候先知所謂既熱水供應跟本只係暖水，加上山上天氣得十多度，呢個真係冷得我騰騰震既白白，沖完涼我地就落去下面食飯，呢度最出名既就係竹筒飯雖然要等成個鐘頭，但都係值得既！食完飯之後就有個女仔走過離問我地聽日係咪去陽朔，如果係大家就可以一齊包車直接落陽朔唔需要轉公車！我地都覺得OK，咁就決定一齊包車，同我地一齊包車既有四個香港人同兩個大陸人，之後佢地就買左煙花向全景樓出面玩，我同亞琳都冇玩，上次土樓已經玩過，所以今次都係睇算囉！當我地睇緊煙花既時候，老闆娘個女出離睇我地，佢好得意架！成日都鐘意笑，好鬼可愛，因為冇電視睇，加上聽日又要早起所以好早就訓覺喇！

第二朝早就落山，我地約左挑夫八點半向全景樓等我地，首先我地會向三號觀景台出發，其間要行一段山路，好彩今日冇落雨，如果唔係都幾難行，大約一個鐘頭度我地就到左三號觀景台，呢度可以睇晒成個大寨既梯田，嘩！個景勁靚，可惜我地離既時候天氣唔好，加上又未放晒水，如果唔係個景應該更加靚，算啦！都係無緣架啦！行多大約個半鐘頭我地終於都落到山，但我地架包車仲未離，只好坐向停車場度等啦！其實有好多著晒民族服裝既婦女向我地售買佢地自己做既記念品，我地都買左幾個繡花既小包包，過左一陣包惠就離左，本來諗住要去到陽朔至有飯食架！點知途中司機話未食飯要落車食飯，咁我地就跟埋司機一齊落車食飯，我地見路邊有一間麵攤，就咁我地每人叫左一碗桂林米粉，雖然碗米粉係兩個半，但就真係好好食，大約四點多我地就到達陽朔，首先要去旅館拎房先，因為個日係星期六，所以房間好緊張，好彩我地間房仲有，拎左房之後就問有關聽日遊遇龍河既資料，旅館老闆好好人，佢幫我地介紹左個導遊，咁我地就出發去西街行，西街真係四處都係外國人，去到邊度都會見到，唔怪得知小公主叫我一定要去西街蒲啦！原來要睇鬼仔！呵！跟住我地就去在漓江附近行，行到倦我地就去左食呢度最出名既啤酒魚！個魚好好味！食完飯行多一陣就返旅館！
                    
第二朝導遊姐姐就好準時向旅館等我地，首先我地去左附近租單車，由陽朔踩單車去碼頭，之後再坐竹筏遊遇龍河，終於都明白桂林山水係有幾靚，如果天氣好D我諗應該仲靚，大約遊左一個鐘度，我地就向碼頭度見到導遊姐姐，之後佢就帶左我地去大榕樹呀！月亮山呀！同蝴蝶泉等等既景點玩，大約十二點多就踩返單車返陽朔，我地見仲有時間，就決定向西街食埋午餐先出返桂林，點知就比我地向西街撞到帶刀，世界真係細向陽朔都撞到熟人，本來佢話帶我地去玩架，點知我地今日要出返桂林趕火車，為有下次先啦！食完飯我地就坐車返桂林轉火車回廣州！

就係咁就結束左我呢五天既復活節假期！