同表表既西藏團友行烏蛟騰

今日我又同左表表班西藏團友去左行烏蛟騰，雖然呢條路我已經行左兩次，但我今次亦都有行，因為我想keep住每個月都有行山。我地約左九點鐘向大埔火車站等，之後就搭巴士入新娘潭。可能因為今日天氣唔係咁好，加上今次又有一D唔係成日行開既朋友仔，所以傑哥就決定唔上吊燈籠。仲諗住今次可以補嘗上次睇唔到印州塘全景既損失。算啦！謂有下次先啦！今次主要都係行一D平路，所以都好輕鬆，我同表表仲可以一路行一路影相添！今次我又帶埋伊唷去影相啦！哈哈！大約一點多我地已經行到去三椏村，今次我地就食左雞粥，茶果，同埋潮州裹。食過午餐，我地就去左睇空心樹同魚滕，睇完後我地就行返出烏蛟騰，大約五點鐘到我地已經行完！我地見有時間，就決定出旺角食日本野，今次既日本野非常美味！可能係因為表表個朋友幫我地點菜，所以佢點左好多好特別既野比我地試，今次四個人去食，每人都係食左$140，正！