第一次在大雨中行山

今日又係每月一次同表表既西藏團友行山既日子，已經約左表表八點三向景地鐵等架，點知今朝訓到八點至知醒，所以最後都要飛的士去！好在最尾我地都無遲到！hehe~~~~。我地由柴灣地鐵站出發一路行至大潭引水道。今日個天氣都好熱，好在前一晚凍在枝凍水咋！行到引水道盡頭就見到有一條山澗，可能天氣熱掛，所以都唔係有好多水！傑哥同玲姐就帶我地沿住呢條山澗行落去睇烏龜石，遠睇都已經覺得好似，點知近睇仲似，傑哥同玲姐仲叫埋我地一齊上去龜背添呀！但我對鞋實在太滑，所以都冇行到上去，玩完呢個烏龜石後，我地就去左山澗上面一個平台位休息，就向呢個時候，傑哥向佢個包包入面拎左套cookset出離，玲姐就拎左煲糖水既材料出黎，嘩！佢地兩個真係利害，每次都會為我地準備好多補給野，一時係生果，一時係蜜糖水，今次仲帶埋煲黎煲糖水。真係辛苦佢地兩位！唔知係咪太熱，let let好似有D唔係太舒服，所以就決定兵分兩路，傑哥就帶let let同karen行平路去魚涌，而玲姐就帶我地上山睇將軍石後再落山去魚涌。其實向我地準備出發再行既時候，天已經開始陰，當我地行左十分鐘度，就聽到有雷聲同閃電，見到咁既情況，大家都一致決定回頭唔上山，點知話口未完，個天就開始落雨。人地今日又無帶遮，好在來哥有多一件便利雨衣借比我。真係多謝晒。唔係我都唔知點算！我地一路行，雨就越落越大。就算有雨衣都濕身。其中行過一D瀑布位，見到D水係澎澎聲咁流落黎！呢個時候完全感覺到山洪瀑發係點樣！就係咁我地向雨中趕路，行左大約個半鐘，終於都去到柏架山自然徑。咁大個女都係第一次落咁大雨去行山咋！返到屋企睇電視至知我地向山上面趕路既呢個半鐘，原來天文台掛左黃雨！加陣諗返到有D驚！

P.S.好彩冇帶到D50去咋！唔係淋濕左都唔知點算！呵呵！