同對寶貝行青衣自然徑

                  

                  

                  

                  

今朝一早，我就同一對寶貝去左行青衣自然徑。七點幾就起身，首先第一件當然就去飲過茶，食個飽先啦！之後就向青衣自然徑出發，呢條路我對寶貝差不多日日都行，今次就由佢地帶我行啦！呵呵！點解咁早個太陽伯伯就出黎架！成條路都無瓦遮頭，好在有聽媽媽話帶左帽，唔係個頭煎蛋都得喇！估唔到平時好冇耐性既爸爸，今日都有陪我一路行，一路影，佢仲專登帶我去行D可以影到靚景既地方添，又會話我聽邊樹有蝴蝶影！哈哈，今日既爸爸真好(平時都好，今日更好)！雖然只係行左個幾鐘，但我地三個都晒都黑蚊蚊！唉......七月都未到就已經曬成咁，遲D點算呀！