唱K三人組

  
今朝同完我對寶貝行完山之後，我又出左去同奶奶和表妹唱K。今次唱K已經約左好耐(其實最主要係就我一個，因為我成日都唔得閒，所以佢地兩個禮拜前已經約定我)。我地約左兩點向旺角等，本來諗住食完魚麵去唱K，但又怕太多人，所以都係上去卡拉OK度食下午茶算！唉.....每次去親唱K，D新歌試唱既頭十頁我最多都係識一兩首(因為我鐘意聽國語歌多D)，但唱國語歌又有好多佢地未必識，所以我都唔係成日去唱架！不過同佢兩個一齊就唔同，因為佢地都有聽國語歌，有時我揀D冷門少少既歌手佢地都識！所以我最鐘意就係同佢地兩個去唱歌！今次只係唱得個兩個半鐘就要交房，大家都覺得唔夠喉，要約過下次再唱！