梧桐寨半天遊

今日又同表表既西藏團友去行山，目的地係梧桐寨。之前佢地個個都已經話梧桐寨好靚，所以今次決定帶埋寶貝D50去行山。我地約左九點鐘向大埔火車站等，再搭64K去梧桐寨。向巴士站等埋方仔就出發，今次呢條路唔係太難行，首先我地去左井底瀑，未落到澗邊已經聽到好多人聲，落到去就見到有好多人玩緊水。就向大家拎晒部機出黎影相既時候，天突然間落雨(點解近呢幾次行山都落雨架)我同傑哥第一件事就緊係澎澎聲收機啦，淋濕左點算！收好機就繼續向中瀑出發，但越行就越大雨，不過去到個瀑布又真係好靚，忍不住都要拎部相機同佢影返兩張先得。最後見仲係咁大雨，所以大家都決定打道回府。返大埔食個靚Tea。可以今次時間早啦！大家食完野都唔趕住走，由傾下大家下個月既旅行大計，到計劃下年復活節向沙巴神山出發。一傾就傾左個幾鐘。呵呵~~~~

(期待傑哥玲姐九月中北疆之旅同釗哥九月尾摩洛哥加撒哈拉沙漠靚相)