罾棚角咀

今日跟左travellife既朋友仔去行山，但一朝日就見天文台掛左一號風球，出左西貢至算啦！八點半到西貢，其間攪手問大家咁既天氣仲行唔行，個個都話繼續。向麥當勞食過早餐之後就搭街車去西灣亭。等埋另外兩位帶狗狗既朋友，向西灣亭影過大合照同著好晒雨衣就出發。好左落左一陣雨就停左，上到西灣亭大家休息一陣，又同狗狗玩左一陣。有人提議不如上埋魚岩頂，個個都OK咁又出發。上到魚岩頂影完一輪相，大家本來應該由原路走既，講講又話不如去埋罾棚咀角睇。但呢個時候其實個個都有D倦，不過黎到就無理由唔去架，頂硬上！下午三點鐘，我地成功到達罾棚咀角。終於可以享受我個腸仔飽午餐。食完野大家小休一陣又要起程。因為我地仲要行過浪茄仔，浪茄先至到萬宜水庫東霸搭車出西貢，攪手話預計要行一個半鐘至出到去。好彩回頭路唔係太難走。只係由浪茄仔行去浪茄既其中一段路係縣崖，過左呢個位以為會好D，點知行出萬宜水庫東霸既路仲要上山。努力！加油。點算半路又落大雨，個人已經倦，仲要趕路唉.........最後五點半終於完成今日既行程。

(其實我地今日條路無行得咁多架！只不過大家一路行一路咁加景點所以至行左七個半鐘。好彩今日唔曬咋！唔係都唔知點算。仲有隻狗狗好勁呀，由頭帶到尾！)