P.S. I LOVE YOU 留給最愛的情書

終於都睇到呢套乖仔話好睇既戲，套戲好好睇，但又無我想像中咁感動。

雖然男主角一出場就已經死了，但佢為了令妻子以後能夠振作，所以在他臨死之前，已經幫妻子準備好幾封信來鼓勵她。最後仲不忘在信中說P.S. I LOVE YOU。而妻子亦都向這一堆信中感受到死去的老公還在身邊。努力的鼓勵她要繼續向前行，不要再留戀過去。人往往在失去了的時候才學懂珍惜。

龍脊行山加赤柱hea

今日又跟左TL去行山，今次既目的地係港島區既龍脊同鶴咀地下石河。十點鐘向柴灣等，之後就向龍脊出發。其實呢條路之前已經行過，所以知道都唔係太難行。不過今日就好大風，加上中途又落雨，所以都幾凍下。行到落山都已經成點鐘。因為落雨既關係，所以原先諗住下午會去既鶴咀地下石河呢個活動就取消。咁就諗住向附近食完飯再行其他地方。點知附近既士多都無開，最後就決定去赤柱食。

食完飯都係三點度，大家又唔想咁早走，所以就向赤柱附近行下。我地行左去北帝廟個邊，本來諗住沿路走，但行行下又見到有條樓梯，唔係係咪取消左下午既行程大家覺得唔夠喉，所以都無理條路去邊就行左上去，行行下仲比我地發現原來上面有間觀音寺添！最後我地仲去理麥記嘆埋個tea至走！

愛情有刺

尋日經過百老匯電影中心，終於都比我向入面搵到我想搵左好耐既VCD---愛情有刺
當年還是小男孩的他，第一次看到小女孩的身影時，已經深深的被吸引，他們每個星期相見一天。當時老太太已經警告過小男孩不要喜歡上小女孩，因為…她一定會傷透你的心。到長大後他們在紐約重縫。男孩滿心歡喜的以為可以和女孩在一起。但後來發覺，她只不過是利用自已，當男孩去找女孩時遇見老太太，老太太告訴男孩由一開始只不過是利用他。最後男孩傷心地離開。
最喜歡的一幕，當男孩叫老太太給他手，之後把她的手放在自已胸膛前，跟著說：

What is it?

Is my heart

Is broken

Can you feel it?

那一刻老太太才發現自已所做的事已經深深傷了男孩了。

故事大綱

本片根據19世紀大文豪狄更斯原著小說改編。年輕藝術家芬貝爾，本是漁家童。一次出外嬉水時偶遇逃犯勞斯汀，半被逼半好意幫了對方，逃犯最終在男主角的幫忙下逃走了。後來又在一廢屋遇上冰山美人伊斯黛拉和她那有錢但古怪的黛斯摩夫人，兩人成了青梅竹馬的朋友。女主角長大了要離開這裡到紐約去，原來黛斯摩夫人一直培訓她去結交有錢的公子哥兒。當男主角決定放下時，忽然有人邀請男主角到紐約開畫展。最後他…名成利就以為可以配得起女主角，但最後他終於知道自已一直比利用。

追風箏的孩子

幾經波折，我終於都睇到追風箏的孩子。一套無期望過會咁好睇既戲。最後我居然睇到眼濕濕咁離場。
成個故事，我最鐘意就係向孤兒院既一幕。院長所講既每一句說話都深深咁記得。

"你不要以為來帶走一個孩子就是英雄，他們說如不交出一個孩子，就會捉走十個走。我寧靜犧牲一個小孩來救回其他幾個。我就是用他們的骯髒錢來養活這些孩子，你以為我沒有家人麼？我留在這裡就是要保護他們。"

追風箏的孩子

幾經波折，我終於都睇到追風箏的孩子。一套無期望過會咁好睇既戲。最後我居然睇到眼濕濕咁離場。
成個故事，我最鐘意就係向孤兒院既一幕。院長所講既每一句說話都深深咁記得。

"你不要以為來帶走一個孩子就是英雄，他們說如不交出一個孩子，就會捉走十個走。我寧靜犧牲一個小孩來救回其他幾個。我就是用他們的骯髒錢來養活這些孩子，你以為我沒有家人麼？我留在這裡就是要保護他們。"

新春城門水塘行山

今日我又跟左表表既西藏團友們去行山，鼠年第一次行山，我地揀左行城門水塘比較容易既路線黎行。加上附近有燒烤爐，方便晏少少Sunny哥帶埋BB黎燒野食。

首先我地約左九點向荃灣地鐵站等，之後就搭小巴上城門水塘，其實我地主要都係諗住圍住個水塘行個圈，影下相。可能無諗過個圈會咁大，加上我地又行下hae下影下相，到Sunny哥打電話黎話到左燒烤場，我地先拿拿淋行過去會合佢！到達燒烤場已經成點，因為好肚餓，所以個個都即係燒野食。就只有傑哥，因為佢對住BB就已經飽！哈哈！燒燒下野食既期間，突然見到四圍有好多隻馬騮對我地既野食眼甘甘，所以我地都快快食完就走！

之後我地就兵分兩路，傑哥佢地就繼續行山，我同表表佢地就返出荃灣唱K，之後就向深水再join埋超哥食晚飯。

P.S.謝謝超哥的摩洛哥手信，你帶黎既相簿簡直就係一份毒藥，毒到個個都想去摩洛哥！

L之終章..最後的23天

今日情人節，約左班朋友仔去睇戲。一套本來無諗住睇既戲，不過睇完又覺得幾好睇。

可能呢集係一個獨立既故事，所以就算我無睇到之前個兩集問題都不大！咁多個主角當中，除左"L"之外，我最喜歡既就係個小朋友！雖然佢成套戲一句對白都無講過，但就好搶鏡。

鼠年新春大露營

呢個鼠年既天氣咁凍，但我居然仲去露營，哈哈......你話我係咪傻？
初二約左向十二點西貢等，但大叔居然遲到，好彩我地醒目食住午餐等，如果唔係我地一定向巴士站度等到變雪條。齊人就出發去買野食同用品！買完野就去搭小巴到白沙澳。落左車仲要行大約四十五分鐘先到枝莊。拎住咁重野行入去都咪話唔辛苦！去到枝莊都差不多成四點幾。大家起好營，齊好野都已經入黑。呢個時候就開始食晚飯，咁凍既天氣當然最好就係打邊爐啦！呢餐邊爐就豐富囉，有肥牛，羊肉，雲吞，水餃，粟米，菜等等.......食飽飽之後仲有個湯丸做甜品添呀！休息左一陣之後，我地就起左個營火，大家一齊圍住個火飲住紅酒一邊傾計。大約傾到兩點，大家就返營訓覺，但唔知點解每次去Camp都唔眼訓既我又再次捉左老豆傾計，傾到咁上下大叔出左黎，佢太凍訓唔著，原來個陣已經係四點幾！本來諗住傾多一陣就訓，點知傾下傾下最後我同老豆傾到成六點先返入營訓。
第二朝九點幾又比大叔向隔離嘈鬼醒左，可憐我尋晚訓得三個鐘咋。今日仲有好多人入黎，首先有Jmy同Kannie入黎探班煮lunch，食完飯之後我地就去左附近四圍行下，之後就去左碼頭接童童同佢男友入黎，最後就係去車站接乖仔。等到乖仔入到黎都已經四點幾！食個tea之後hae下，又都晚餐時間。今晚晚餐五一湯。有番茄炒蛋，雜菜丸煲，油墨菜炒豆鼓魚，煎牛扒，蒸臘腸同忌廉湯。其間朋友仔唔知係咪飲醉左，成晚呆呆咁，問非所答。勁攪笑！食飽飯又再來營火晚會，可能尋晚玩得太夜，所以今晚我地玩到點幾就訓！

唔知係咪太倦，所以今朝訓到成十點幾先起身。刷過牙洗過面就煮早餐食，食完野執下野，咁就成三點。我地執好野就搭船出黃石碼頭，之後就去在西貢食tea。

就係咁呢個三日兩夜既露營又完結了！唔知下次又幾時呢？

Before Sunrise(情留半天) & Before Sunset(日落巴黎)

早幾天看到初二晚明珠台會連續的放映"情留半天"和"日落巴黎"這兩套我很喜歡的電影。

情留半天---整個故事由火車上開始，Celine接受了Jesse的邀請同遊維也納，與其說二人同遊維也納，不如說他們藉著這次來互相了解。他們由愛情、婚姻、宗教、死亡、性、戰爭、星相、文化、環保............等等，他們都能談得痛快。他們很享受跟對方分享自己的感覺。他們互相吸引，亦藉著互相傾訴得到無比歡樂，感動和共鳴，同時不知不覺的釋放了自己。兩人度過了難忘的一晚，兩人又要回到各自的地方，兩人依依不捨，在離別時說著綿綿情話，大家沒有留下聯絡方法，只是約定半年後的再在維也納重逢。火車遠去，故事也完~~~~

記得當時這套電影我是無意中在電視上看到的，但一看就愛上了，所以當知道有下集的時候，就第一時間的跑到戲院去看，為的就是想知道他們最終有沒有在一起？

日落巴黎---九年後，他們二人再在巴黎的書店相遇，在短短的數小時，二人雖然說著九年間所發生的事情，但心既比初次相遇時更想了解對方，彼此以沒有在九年前碰上的事情為開端，藉著對話來找出自己在對方心中的位置，會否重現九年前的那個如夢似幻象晚上。他一時說著當年難忘的事情，一時又說自己的孩子對自己多重要，她說一下自己不適合有穩定的伴侶，一邊卻彷彿給九年前的那個約定害得自己苦不堪言。九年來，他們在人生路上兜兜轉轉，彼此都放不下那一晚，那一段刻骨銘心的卻又無疾而終的愛情。

功夫灌藍

今日年卅十，公司放半日。所以一早就約左Agnes去睇功夫灌藍。一夠鐘就走，出到旺角都係點幾鐘。因為Agnes未到，所以就向附近行左一陣。大約兩點度佢就到，第一件事就緊係去醫肚先啦！

其實呢套戲個開頭有D似少林足球同埋有點漫畫化。喜歡周杰倫的一定會喜歡呢套戲。但唔係fans既我，只是覺得係一套可以令我輕鬆90分鐘既戲。