新春城門水塘行山

今日我又跟左表表既西藏團友們去行山，鼠年第一次行山，我地揀左行城門水塘比較容易既路線黎行。加上附近有燒烤爐，方便晏少少Sunny哥帶埋BB黎燒野食。

首先我地約左九點向荃灣地鐵站等，之後就搭小巴上城門水塘，其實我地主要都係諗住圍住個水塘行個圈，影下相。可能無諗過個圈會咁大，加上我地又行下hae下影下相，到Sunny哥打電話黎話到左燒烤場，我地先拿拿淋行過去會合佢！到達燒烤場已經成點，因為好肚餓，所以個個都即係燒野食。就只有傑哥，因為佢對住BB就已經飽！哈哈！燒燒下野食既期間，突然見到四圍有好多隻馬騮對我地既野食眼甘甘，所以我地都快快食完就走！

之後我地就兵分兩路，傑哥佢地就繼續行山，我同表表佢地就返出荃灣唱K，之後就向深水再join埋超哥食晚飯。

P.S.謝謝超哥的摩洛哥手信，你帶黎既相簿簡直就係一份毒藥，毒到個個都想去摩洛哥！