沙巴神山之旅 Day 3

(小山澗 )
今日就出發到神山公園，一朝早起身就已經見到個天落緊雨，大家各自食過早餐之後就落樓下等我地既包車，預計由我地既住處到神山公園要大約兩個鐘頭車程。但其間實左落得太大雨加上有部份既路都已經浸濕左，所以司機提議叫我地先去附近既大排擋休息下，順便等雨無咁大先再開車。就係咁我地就向大排擋等左差不多成個鐘先再次出發，雨已經比之前細，大約一個鐘頭後，我地就到左神山公園。首先我地先去攪左明日登山既野，其間見到有人行完落黎，見到個個D樣都死下死下，有D仲好係行到受左傷咁，大家都不期然有點擔心。攪好登山既野，轉頭又坐車去攪今晚既住宿。因為一間房得十二個床位，但我地有十三個人，最後小莫莫犧牲自已去另外一間房訓。安頓好所有野已經係兩點幾，緊係去左醫肚。食飽飽之後就向我地住既地方附近既一條行山徑行下。呢條本來只要行半個鐘既行山徑，但我地成班人行下影下玩下，足足攪左成個鐘頭先行完。行到落黎，大家見差唔多時間日落，有人就決定等影日落，有人就返去先沖涼。食過晚飯返旅館既時候，見到有一班馬拉人都同我地住埋同一間旅館，我地怕小莫莫一個會比班馬拉人嘈住，所以叫佢搬埋過黎同我地一齊住。好在叫左莫莫過黎咋，班馬拉人真係嘈到死！

(小木橋)

(呢個我地叫做兔仔花)

(唔知乜花，不過好靚)

(前面好多人呀)

(生長在木上的菇菇)

(又係唔乜植物，不過好得意)

(晚霞)

(街燈加神山剪影)

(八月十八的月光)

(是晚左集中營度過)

沙巴神山之旅 Day 2

(沙巴的第一個日出)

(出發去島仔喇，你睇出面幾好天)
一朝早起身就向個露台見到好靚既日出，第一件事當然係牙都唔刷就拎機出去影啦，可惜都係遲左。起身刷完牙就出發去食早餐，團長帶我地去食沙巴最出名既Kaya多士同拉茶。食完就去碼頭book船，因為我地有十三個人已經可以包一架船，唔洗向碼頭等埋其他人砌夠一架船先可以開。今日我地主要去兩個島，上午一個，下午一個。去到第一個島，個個急不及代就落水玩，有人游水，有人浮潛。而我呢D忌水既都忍唔住要落水玩下，向香港真係好難搵到咁水清沙幼既海灘。玩左一個上午，又坐船去另外一個島。去到第二個島就先去食午餐，唔知係咪之前個島大家玩得太用力，食完午餐之後大家都好似無乜意慾落水玩，只係坐向沙灘上面hea下同影下相。

(到達島仔囉)

(個天幾藍，個海幾綠)

(呢D真係叫做海天一色)

(好大浪呀！攪到我成身濕晒)

(椰林樹影加陽光海灘)

(樹的剪影)

(好多魚呀~~~)

(水底既的唔弱)

(又是晒相機時)

(向島仔玩完又要走喇)
大約玩到四點到，我地就搭船返出市區。先去食個肉骨茶既tea，之後本來諗住去影日落既，點知突然間落雨，但又唔心息。點都要去影日落，為有拿拿聲搵個有瓦遮頭既地方去影。影完相行左一陣街又去食晚餐，其間大家就開始傾下去神山請導遊既問題，因為一team人如果有一個人上唔到，其他所有人都要一齊落山，而大家都唔想憂到人上唔到頂，所以個個都話要自已請一個導遊。食完飯，有D人就話去折骨，而我本來都好想去，但聽日去神山公園又要執野，最後都係決定行完神山先比人折骨！

(碼頭的日落)

沙巴神山之旅 Day 1

(等行李寄倉中)

(上機喇，上機喇！)
哈哈，今日就係出發到沙巴旅行既大日子。香港出發既團友仔就約左一點鐘向機場等，整人就去check in同寄行李，攪掂晒就緊係去食個lunch先啦！黎到機場又是食Burger King時，食完就行去登機閘口，唔洗等好耐又上機囉，開頭會以為全機爆滿，點知成架機尾都無人，我地九個人可以一人一個窗口位，其間我地仲四圍走，得閒去呢個窗口影，一時又去另外一個窗口影。攪到D空姐都無我地符，呵呵~~~經過兩個多鐘頭既機程，我地終於都到達沙巴！

(你睇飛機上面D櫈幾鮮艷)

(D雲好似一粒粒棉花糖呀)

(D雲好似識飛咁)

(機倉內的日落)

(安全到達沙巴機場，個天好靚)

(我地坐架機)

(沙巴機場都好同整齊)
首先當然係去左旅館check in先啦，然後就再join埋深圳出發既朋友仔，就出發搵野食，第一晚我地去左大排擋食海鮮，其間lisa介紹我地食一種當地既飲品---桔仔冰，個個飲完都話好飲。食完飯就返旅館執野準備聽日出島仔玩。

(沙巴夜影)

從神山回來了，倦爆。。。

返黎喇~~~~今次旅行玩得好開心。第一次同呢班朋友一齊去旅行，又估唔到會咁好玩，經過今次之後，大家都已經講緊下次要去邊度玩。可惜我地十三個人只有六個可以攻頂成功，最遺憾既就係摸唔到神山個頂，只怪自已隻痛腳加上唔夠衫，不過唔緊要，我同Lisa已經決定等隻腳好返之後再來會神山，下次一定要攻頂成功。

七日既沙巴神山之旅終於都已經完成，雖然成個trip都好好玩，食左好多美食，團友們又好好笑，但最遺憾既還是攻唔到神山頂，只怪自已準備唔夠啦！放心，我同團長已經約定等大家隻腳好返之後再戰神山！

露營@昂坪賞月

本來中秋呢兩日假期就好應該留向屋企執野準備星期一去沙巴旅行既，點知貪玩既我又唔想兩日都向屋企，所以就跟左老豆去Camp。今次既目的地係上次去唔到既昂坪，為左要霸到位。我地約左九點半向東涌食住早餐等，之後就去街市同超市入貨。買好晒野之後就去搭巴士，去到昂坪仲要行大約十五分鐘至到營地。去到既時候已經見到有個哥哥向度起緊營。我地當然第一件事就係先起fly，之後再起埋個營就出去攞水，因為最近個厠所整緊，所以我地要出返寶蓮寺個公厠攞水，老豆真係勁，一個人攞住20L水。返到營地就開始煮午餐，今次呢個午餐就豐富囉，就係上次我地講既雞肉沙律中東飽。真係好味都不得了，食完午餐都已經四點幾，hea住一陣老豆居然又話肚餓，見仲有沙律醬剩，就煲左兩隻蛋整碎後加沙律醬變成碎蛋三文治。因為食左個tea所以晚飯時間又推至九點至食。晚餐又是超豐富，有魚香茄子，雞柳炒生菜再加一個番茄薯仔湯，好滿足。洗完碗兩父女又傾下計，食個月餅賞下月。十二點半就齊齊入營訓。

第二朝訓到九點就醒左，見老豆未起身，我就先去個厠所先，返到黎佢都未醒。過左一陣老豆就醒左，刷完牙洗個臉又是早餐時，今次早餐有番茄湯通粉，洋怱炒蛋再加煎午餐肉，好味。食完hea下又執野走人，今次我地決定唔搭車返東涌，改行木棧道行返落東涌，好彩今次尚算行得唔係太辛苦。
P.S. 今次有咁豐富既美食都係全靠老豆，真係辛苦晒！

城門水塘輕鬆行

原先大家都諗住今個星期休息下，點知大家都忍唔住，最後我地跟左威林同佢既朋友仔一齊去行城門水塘，一朝早八點九向荃灣既小巴站等。上到城門水塘再等埋威林既朋友仔，就出發！今次主要都係圍住水塘行一圈，其實行山只係配角，玩水先係主菜，一去到澗既入口，幾位小朋友已經急不及代就行左落去水度囉。見佢地玩得咁開心，我都忍唔住除左鞋去濕腳，又同佢地一齊玩飛碟。咁就渡過左一個開心既早上。

Angela's Wedding

識左Angela同亞雲都成十幾年，讀書果陣睇住佢地點識，拍拖都今晚結婚，真係恭喜晒。

放工同埋Mavis一齊走，去到地鐵站再join埋契女同佢媽咪，一行五人殺落尖沙咀，再等埋小連就行上酒樓。去到酒樓剛剛好趕得切睇佢地簽紙。之後kitty先到，跟住又開席喇！其間個衰女向度扭計，唔知係咪想訓呢，所以我地諗帶左佢出去出面四圍行下，點知隻衰妹一落地就已經一枝箭咁向門口方向進發，亞媽姓乜都唔知，激死！