露營@昂坪賞月

本來中秋呢兩日假期就好應該留向屋企執野準備星期一去沙巴旅行既，點知貪玩既我又唔想兩日都向屋企，所以就跟左老豆去Camp。今次既目的地係上次去唔到既昂坪，為左要霸到位。我地約左九點半向東涌食住早餐等，之後就去街市同超市入貨。買好晒野之後就去搭巴士，去到昂坪仲要行大約十五分鐘至到營地。去到既時候已經見到有個哥哥向度起緊營。我地當然第一件事就係先起fly，之後再起埋個營就出去攞水，因為最近個厠所整緊，所以我地要出返寶蓮寺個公厠攞水，老豆真係勁，一個人攞住20L水。返到營地就開始煮午餐，今次呢個午餐就豐富囉，就係上次我地講既雞肉沙律中東飽。真係好味都不得了，食完午餐都已經四點幾，hea住一陣老豆居然又話肚餓，見仲有沙律醬剩，就煲左兩隻蛋整碎後加沙律醬變成碎蛋三文治。因為食左個tea所以晚飯時間又推至九點至食。晚餐又是超豐富，有魚香茄子，雞柳炒生菜再加一個番茄薯仔湯，好滿足。洗完碗兩父女又傾下計，食個月餅賞下月。十二點半就齊齊入營訓。

第二朝訓到九點就醒左，見老豆未起身，我就先去個厠所先，返到黎佢都未醒。過左一陣老豆就醒左，刷完牙洗個臉又是早餐時，今次早餐有番茄湯通粉，洋怱炒蛋再加煎午餐肉，好味。食完hea下又執野走人，今次我地決定唔搭車返東涌，改行木棧道行返落東涌，好彩今次尚算行得唔係太辛苦。
P.S. 今次有咁豐富既美食都係全靠老豆，真係辛苦晒！