城門水塘輕鬆行

原先大家都諗住今個星期休息下，點知大家都忍唔住，最後我地跟左威林同佢既朋友仔一齊去行城門水塘，一朝早八點九向荃灣既小巴站等。上到城門水塘再等埋威林既朋友仔，就出發！今次主要都係圍住水塘行一圈，其實行山只係配角，玩水先係主菜，一去到澗既入口，幾位小朋友已經急不及代就行左落去水度囉。見佢地玩得咁開心，我都忍唔住除左鞋去濕腳，又同佢地一齊玩飛碟。咁就渡過左一個開心既早上。