(個背包係水同食都已經有6 kgs)
(我個登山證)
一朝早起身心情就好緊張，因為今日就係登山既日子。先去食一餐豐富既早餐，之後就去登記同埋搵porter喇！攪好晒所有手續已經係九點幾，今次我地揀左長個條黎行(共8.2km)，貪佢落差無短個條咁勁。(最後發現呢個想法係錯既) 剛開始既1 km大家都仲好輕鬆，有講有笑，一路行一路影。但行到1.5 km既時候點解會係落山既？我地明明係上山既，點解會咁架，而且仲唔係落一陣喎，係一路落，最後又是落返去起點既高度(1900M) 激死！不過由第3km開始就已經係不停咁上，而神山小隊既十三人亦都因為腳程唔同，而分開左幾個小組黎行。
(剛剛開始大家都仲有心情影相)
(豬籠草)
(好難行既樓梯)
(食午餐喇)
大約點幾，我地已經行到去5km，就到係時候食個午餐，唔知係咪太辛苦所以唔係太想食野，就向我地食野野既時候，有人見到後面原來就係神山，而咁啱又有一陣雲海，大家拿拿聲放低手上既午餐，就攞機出黎影相。大休完之後又繼續餘下既路程，而我地想諗餘下既呢3.2 km一定比之前既5km辛苦(中晒，真係辛苦到嘔) ，D樓梯好似行極都行唔完，而且每級都有成個膝頭咁高，好彩有帶行山杖唔係就真係死得，呢個時候大家都已經無乜心機再去影相，只係想快快行到上guest house。最後終於向下午5點30分成功上到3200M，總共行左8個半鐘。入到去裡面已經人山人海，因為晚戲既時間只係去到7點半，所以我地先去食過晚餐先，而其他神山小隊既團友都陸陸續續上到黎，因為第二日要零晨兩點半出發攻頂，所以個個食完飯都拿拿聲返房訓覺，養足精神準備第二日攻頂！
(遠望神山)
(伊唷就舒服啦唔洗行，我就行到死死下)
(呢條邊係路黎架)
(雲海呀)
(努力，仲有100米就到喇)
(終於都到喇！山上氣溫得8.4度)
(上到guest house已經人山人海喇)
(是晚再次向集中營渡過)
沒有留言:
張貼留言