(零晨兩點半，室外氣溫10.4度)
零晨兩點準時起床，就已經聽到出面好大風。正當大家為攻頂作準備時，團長同小莫莫都因為腳痛而放棄攻頂，呢個時候，其實自已都有動搖，雖然我上到guest house膝頭個舊患無痛同無高山反應，但我清楚知道落山既時候，個膝頭一定會幾痛，最後幾經掙扎，都係決定放棄攻頂，因為我仲要行返落山。而其餘十位神山小隊既朋友就出發(而我亦都交低登山證比其中一位團友幫我帶上頂，雖然人上唔到，都希望張證摸到頂) ，而我地三個唔上頂既朋友就留低向guest house既餐廳傾計，傾傾下計，突然聽到開門聲，原來係其中一位團友，佢話因為覺得對腳唔聽洗，所以無謂免強。過多一陣，又是一下開門聲，原來是三位女子組既成員，佢地話覺得心跳得好快，又係一個無謂免強而放棄攻頂，七條友仔向餐廳傾到人地熄燈先捨得入房訓。
(朝早八點的露台)
(山上既旅館)
(終於都到終點喇)
(咩人黎架，只係用左兩個幾鐘就上到神山頂)
(神山小隊共十三張登山證)
第二朝唔夠八點，己經聽到第一位攻頂成功既朋友返黎喇！其餘既攻頂團友都陸陸續續咁到，睇到佢地攻頂既相，真係好靚。大家食過早餐之後又準備落山。可能已經完成攻頂既任務，所以大家心情都十分輕鬆。就向落至五百米既時候，膝頭舊患發作。而餘下既八百米可以話用挨字黎形容，因為膝頭哥每屈曲一次就痛一次，行到最後二百米時簡直係痛到眼淚水都標。最後終於向兩點鐘成功落到終點。食過午餐就出返市區，而中途司機停車帶我地去飲燒椰子水，因為佢話會幫助消除肌肉既酸痛，返到出市區已經係六點幾，本來大家都諗住去影日落，點知男子組話已經係水尾，所以都係唔出，而我地女子組就無理，有乜就影乜。(最後男子組睇完我地既相都話走寶，呵呵~~~~)呢兩日行得咁辛苦，今晚緊係要食餐好既，於是就去左海王城食海鮮，呢間D海鮮真係又平又低食！
(燒椰子水，司機話會幫助消除肌肉酸痛)
(好靚既天同雲)
(本來諗住去影日落，點知返到旅館已經開始入黑)
(SET機準備影夜影)
(個天係紫色架)
(海邊夜景)
(好味海鮮餐)
沒有留言:
張貼留言