第二朝訓醒覺，先去食個早餐。不過唔知係咪間Cafe未試過一次過做咁多人既早餐，所以等左足足成個鐘頭都未有早餐食，最後攪到要外買拎走。之後就去馬幫既鋪頭，呢個時候鋪頭門口己經有好多隻馬兒等我地。大家揀好馬仔，馬伕們又扎好我地既行李之後，大家就上馬出發。一路都沿住山路騎馬上山，沿路風景都好靚，本來我同域奇隻馬仔一路都行頭位既，但唔知點解，越行越慢。激死！唔知D馬伕係咪怕太多馬落山會有危險，所以佢要我地全部都落馬行落山，唔知點解呢對行山鞋著左兩年，但第一次感覺到著住佢可以行得咁快~~行到去馬路旁邊，馬仔們都已經乖乖既等我地喇！唔知喪人係咪因為尋日趕過來會合我地，所以加陣佢有點高反，從來都未見過佢謝成咁！當大家都準備上馬時，吉蒂又唔知向幾時扭親隻腳，唉~~一定係落山既時候啦！但佢又話唔係喎？之後大家又繼續騎馬仔入去營地，大約騎多一個鐘頭度，我地就到達營地，因為今次既營具都係由馬伕提供，所以到達營地之後我地只係坐定定等馬伕們起營就可以喇！當我同域奇知道要住得塊fly既通風營之後，第一時間我地兩個易口同聲既都話死都唔訓~~好彩其他朋友仔既營都勉強可以訓多個人，最後我同我哥哥加喪人一隻營，域奇就同早晨&吉蒂一隻營。分好晒營就出發去參觀第一個景點---二道海！我諗可能呢個時間唔係適當既季節，成個景區都唔係太多水，本來我地都諗住行到二道海就算，但咁啱我地又撞到兩個由上面落黎既外國人，佢地話上面好靚，夠水喎！於是不死心既我地當然就繼續上上面看過究竟！嘩！真係比下面既靚得多，好彩堅持上山。之後又要行返原路落山，唉~~好彩返到營地，馬伕們都已經煮好晚餐，食過晚餐，我地成班就圍埋一齊傾計，因為天氣太凍喇，洗完飯唔洗一陣又凍，所以大家就開爐煲水，一邊飲熱野，一邊傾計，大約十點多大家就入營訓了~~
