飛鵝山

因為要操山既關係，所以星期日喪人會去行飛鵝山都去行，本來之前話會輕鬆行的，不過喪人帶隊既都唔會簡單得去邊！約十點向彩虹等，先去食個早餐，之後就出發，入口係一個學校後山既樓梯，我諗呢條應該係平時D公公婆婆既晨運徑。之後就開始要剷林了，行到咁上下，前面有一幅大壁，D雄心人任見到又點會唔去爬呀(我什至覺得佢地揀行呢度就係為左要爬爬) 爬完又繼續向山頂進發，行到咁上下，又有第二個壁，佢地又爬，但今次呢個真係危險好多，我向上面望返落去到好驚，佢地真係痴線架~上到山頂休息一陣就落山了，落到咁上下見到有舊大石向對面，又有條明路行過去喎，大家又過去影完一輪相又落山去食個tea~~