話說等了好久的四川騎馬露營之族終於出發了，本來諗住一夠鐘就走，點解最後都要攪多半個鐘頭先走到，落到地鐵站就見到河流，之後兩條友仔就搭地鐵去太子再搭直通巴士到深圳機場。去到機場都係大約八點多，先去Check in之後就去食個晚飯，因為之前喪人打過比我話佢剛剛上在七點由中環開出既直通車，我地都估應該食唔切晚餐，所以就諗住預先幫佢買定個飽。點知到我地食完飯，入閘後都仲未見到喪人，就連上到機都見佢唔到，打電話又搵唔到佢，大家都擔心佢唔知發生乜野事！最後零晨十二點多到達成都，真當我地拎晒行李之時，遲遲都見唔到吉蒂出黎，原來佢件行李唔見左(因為所有要用既野都向晒件行李度，如果真係唔見就要打道回府了) 最尾攪左一大轉，好似話漏左一件行李唔記得拎出黎！不過點都好啦！搵到就OK啦！跟住就一齊搭車去酒店休息，點知一落車，河流就同我地講佢應該唔小心漏低左條厚身行山褲加露營用的枕頭向飛機上面(因為佢將條褲放入個絨袋入面當枕頭用)。唉……無辦法啦，向未來既連五日佢都要著住一條薄身的行山褲了~~唉……一出門就諸事不順
沒有留言:
張貼留言