狂風暴雨下的梧桐寨

今日本來係諗住行橫涌石澗的，但天氣惡劣成咁，加上領隊又貪玩，所以最後改左去行梧桐寨，出發時都好地地，點知落車既時候就落到澎澎聲，算啦！呢排出山都無乜邊次唔濕身。沿住山路上好快就到左井底瀑，因為落大雨既關係，瀑布比平時更大水。，仲諗住話落去浸下水，加陣無得玩了，之後又繼續上去中瀑，嘩！中瀑D水仲大，想行前少少都比D水彈到睜不開眼，一陣間就濕晒。再上主瀑，真係唔講得少，除左大水之外，仲好大風，我仲差D比吹走了！本來想過埋散髮瀑，不過中間有個位要澗水過，但D水好大好急，其實我就無乜所謂，不過大家都覺得危險就算啦！但就攪到領隊好無引，算啦！下次再行過！