DIY @ My Blythe

呢排突然間又攞返以前隻細Blythe出黎玩，見到以前幫佢整既衫仔，宜加又好想再幫佢整喇~~真係要諗下整咩衫好呢？又係時候要落深水埗搵布辦了~~

沒行完的環湖徑

星期日操山日，今次揀了船灣環湖徑。天氣酷熱下行環湖徑都真係有點自弱。
約左八點半向大埔食住早餐等，最後都要九點半先可以出發，搭的士入到烏蛟騰後就起步。剛開始時狀態還不錯，但上完馬頭峰後開始覺得個人散唔到熱，但還可以，於是就繼續行，但就越行越慢，仲要成日休息，去到橫嶺時就已經想撤退，但隊友們話之後多數都係平路，叫我再行埋落去，睇過地圖都OK，所以就繼續行！但情況都係一樣，好似都係散唔熱。去到大峒真係唔得喇，最後我同佢地講要撤退了，因為呢個位唔走就一定要行晒成條環湖徑，由呢度行返落去大約要個半鐘，沿路都係禿頭山，好彩行左一陣就見到條小澗，第一時間就去洗個面降下溫，之後就繼續行，落到下苗田就見到另外一位山友，於是就一齊行，返到烏蛟騰搭巴士走！
P.S. 可能呢排太多野攪，唔夠時間休息，真係要停一停先得！

獅子山

星期六又是SA姐復康之旅，今次開始挑戰山路，所以揀左獅子山。
約左九點半向大圍等，食個早餐就搭的士去紅梅谷起步。唔知係咪想打風，所以全日都好熱同好焗！去到望夫石都真係要休息下，我都係第一次黎咋，佢地話摸下舊石會有姻緣喎，又試下先！摸完又繼續行，行左一段上溯路，終於來到了獅子山頂，見返個懸崖危險，切勿前進就諗起唔知第一二次行山就比人點左由獅尾脊上獅山，之後行返去沙田村，本來諗住去到士多食個午餐就繼續行埋飛鵝山的，但太熱了。最後走左去唱K~~

地塘仔郊遊徑

因為決定十一再戰船底頂，所以大家又再次出來操山。今次既行程是大東+鳳凰。
本來約九點向東涌食早餐，點知最後個個都遲到，攪到成十點半先起行，我地由地塘仔郊遊徑上昂坪再去鳳凰。可能大家都太耐無行山，加上今日天氣都好熱，所以好多時大家都要停底休息，上到昂坪就來個大休，呢個時候天已經開始黑，當行到心經簡林就落雨了，咁我地就入亭等停雨。等左一陣就停雨，又繼續行了。但行唔夠十分鐘又落狗屎了。最後都係退返去涼亭，大家一致商量過後不如改木棧道，但去到寶連寺仲大雨，一等就等左十五分鐘都未細雨過，最後又是搭車返東涌，因看仲約左其他朋友夜晚開船底頂會議，唔知做乜既我地就出左旺角唱K~~

大欖水塘

星期六，又係Sa姐既復康練習，今次既路線就係大欖水塘。
先約十點向小巴站等，先向附近食個早餐先，之後就搭小巴去青龍頭，之後就沿屋苑後面既小徑行至郊遊徑，由路都是石屎路，就算落雨都唔係太難行，但係行至去渡假營附近就唔識路，於是佢指左兩條路比我地，一條要行返轉回個叉口再繼續行，另一條就由山路走，當然山路會快一點。我地問過Sa姐，佢自己想想試下行山路，於是我地就一致行出路，落住雨行山路對腳痛初癒既Sa姐來說真係有D難度，不過最後當然難唔到SA姐啦！行完之後仲有時間去北面大出血~~