沒行完的環湖徑

星期日操山日，今次揀了船灣環湖徑。天氣酷熱下行環湖徑都真係有點自弱。
約左八點半向大埔食住早餐等，最後都要九點半先可以出發，搭的士入到烏蛟騰後就起步。剛開始時狀態還不錯，但上完馬頭峰後開始覺得個人散唔到熱，但還可以，於是就繼續行，但就越行越慢，仲要成日休息，去到橫嶺時就已經想撤退，但隊友們話之後多數都係平路，叫我再行埋落去，睇過地圖都OK，所以就繼續行！但情況都係一樣，好似都係散唔熱。去到大峒真係唔得喇，最後我同佢地講要撤退了，因為呢個位唔走就一定要行晒成條環湖徑，由呢度行返落去大約要個半鐘，沿路都係禿頭山，好彩行左一陣就見到條小澗，第一時間就去洗個面降下溫，之後就繼續行，落到下苗田就見到另外一位山友，於是就一齊行，返到烏蛟騰搭巴士走！
P.S. 可能呢排太多野攪，唔夠時間休息，真係要停一停先得！