地塘仔郊遊徑

因為決定十一再戰船底頂，所以大家又再次出來操山。今次既行程是大東+鳳凰。
本來約九點向東涌食早餐，點知最後個個都遲到，攪到成十點半先起行，我地由地塘仔郊遊徑上昂坪再去鳳凰。可能大家都太耐無行山，加上今日天氣都好熱，所以好多時大家都要停底休息，上到昂坪就來個大休，呢個時候天已經開始黑，當行到心經簡林就落雨了，咁我地就入亭等停雨。等左一陣就停雨，又繼續行了。但行唔夠十分鐘又落狗屎了。最後都係退返去涼亭，大家一致商量過後不如改木棧道，但去到寶連寺仲大雨，一等就等左十五分鐘都未細雨過，最後又是搭車返東涌，因看仲約左其他朋友夜晚開船底頂會議，唔知做乜既我地就出左旺角唱K~~