10/19-29 我從四川回來了~~

哈哈！我從四川回來了~~~~~~~~

今次既旅程我嘗試左好多野，好似騎馬騎左七個鐘啦！人生最高峰(卡子拉山4718M)等等...........最重要係今次旅行既目的..........看秋色紅葉，終於都向最後尾個幾日比我地見到。好靚，全個山都係紅呀！黃呀！好鬼難用文字形容。而且呢十一日天氣好靚，差不多日日都藍天白雲。所以都影左好多相返黎(靚唔靚就唔知喇)好好彩今次我無高山反應，全個旅程都食得玩得訓得同拉得！但其他團友仔就...........，不過佢地都好快無事，好彩！好彩！剛回來未有時間整理相片同遊記。各位想睇相既blog友要等下喇！hehe~~~~~~

終於都完成呢次十一日既四川稻城之旅，玩既時間就過得特別快，唔覺唔覺就玩完十一日返黎。回來之後，出走既心情仲未平復。雖然稻城的小朋友開始不再純真，雖然稻城有好多地方開始變得商業，雖然我還未真正看到稻城滿山紅葉。但..........心還是留在稻城。不知為何？總覺得今次既旅程，沒有上次雲南那麼開心。感覺好像有點什麼不對。或者上次有太多意外，太多驚喜，今次所有事相對來得平淡。究竟是時間不對？人物不對？地點不對？還是................心情不對？