小欖BBQ

 
         
         
下個禮拜就係奶奶生日，但我下下個禮拜就要去旅行，慶祝生日通常都係提早架嘛，所以今晚我地約左去小欖BBQ。首先我就約左奶奶同老公仔向青衣城小巴站等等，離遠我就已經見到佢兩母子笑笑口咁，點知，老公仔一行到黎，望左我兩眼就拉住媽咪話要走(無見幾個月姐，洗唔洗變得咁快呀！老公仔)最後要出動到比糖佢食先肯叫我一聲老婆。唉.......大個D都唔知點算。去到小欖個燒烤場就接到肥珍個電話，入到去已經好多人。我地拎好晒D燒烤用具之後，肥珍就帶左老公仔出去玩吹泡泡。正當我地兩個向樹燒緊叉既時候，我向入口處見到個人好熟，望左好耐至望到佢係邊個，之後我同奶奶講你個仔，奶奶好奇怪見到我個仔有幾出奇，跟住我話你個細仔Benny喎！佢就問我向邊樹，到我大力拍呀Benny，佢地兩母子至相認，你話呢個世界幾細。過多一陣表妹同表弟就到左。可能開始見慣左，老公仔無之前咁怕羞，仲成日要我地陪佢玩，滿場飛不知幾開心。因為我地個個掛住同老公仔玩，攪到奶奶向樹問究竟今晚個主角係我定係個仔？哈哈，唔好意思！咁你個仔的確係可愛過你既
P.S. 本來今日係同老公仔影左好多相既，點知返到屋企發覺好多都係鬆旭矇，只係得幾張見得下人。下次我會努力影得好D架啦！