(深圳寶安機場既日出)
哈哈！終於都出發喇，我地四個人(我，表表，亞琳同契姐)一朝早四點幾就起身去皇崗過關去深圳寶安機場，去到都係七點多。check in完之後就去麥當當食返個美味早餐。 飛機準時八點十個字起飛，成都我黎喇~~
(我地今晚下榻既hostel --- 夢之旅)
大約十一點多到達成都雙流機場，拎過行李就去搭的士到今晚既旅館，途中就打電話比佩珊兩公婆睇下佢地向邊樹，原來佢地都搭緊車返成都，仲叫我地先食午餐唔洗等佢地。去到旅館放低行李就四出搵食，成都既第一餐飯我地當然就要試下四川出名既擔擔麵喇。食完見仲有時間就去左成都好出名既錦里一條街去行下。
（成都好出名既錦里一條街）
（成條街都好有中國特色)
行行下就收到佩珊電話，所以我地就返旅館會合佢地。見面第一件事，當然就淋攪掂架包車先，一行六人就殺上包車公司，交完尾數攪掂架包車，人都輕鬆晒。黎到四川又點可以唔去睇一下變臉呢！所以托左旅館既人幫我地買左飛睇〝蜀風雅韻〞。老闆娘好好人，幫我地買完飛就提醒我地要早D出發，因為下班時間好難搭車架。
(飲啖茶，食粒花生睇變臉)
(唱緊大戲楊家將)
(嘩！變臉師傅玩噴火呀)
睇完變臉，我地就向附近食魚頭煲，個魚頭煲好好味呀！仲有我最鐘意既羊肉食添。另外仲向呢間餐廳比我地發現一樣好特別既飲品，就係花生汁，飲既時候覺得自己似飲緊花生糊。
(成都夜晚既街道)
沒有留言:
張貼留言