一早起身就聽到佢地話師傅(即我地包車個司機)已經到左樓下等我地，所以淋向附近食過早餐就出發。今日基本上既行程就係希望入夜前去到新都橋。
(茶馬古道既起點)
大約行左兩個鐘頭到，師傅就停車話比我地知呢度就係茶馬古道既起點，所以我地個個都走落車影相。當時既人就係咁樣運貨去其他地方架喇！影完相又繼續我地既行程。
(呢架就係我地包左十日既車)
我地好順利向午飯時間來到雅江，簡簡單單咁食過午飯又繼續趕路。臨入二朗山隧道前，師傅同我地講呢條隧道向當地好出名。所以叫我地要影張相。
(二朗山隧道入口)
行完二朗山隧道之後就來到觀景台，我地一眼望落去，好靚呀！可惜今日既天氣唔係太好，如果藍天白雲下望落去，一定會仲靚。
(從觀景台望下去，好靚呀)
去到瀘定，點都要行一行呢條瀘定橋。行既時候我自己都唔敢望向下面，真係一步一驚心。因為條橋中間只得三條木，其他地方都係鐵鏈。
(行得好驚險既瀘定橋)
途中師傅要入油，當我地落車諗住去洗手間既時候，就望到馬路對面既雪山，哈哈！今個旅程見到既第一個雪山。
(嘩！今日旅程見到既第一個雪山)
大約五點鐘我地先去到康定，但師傅向途中打聽到節多山那邊下太雪，好多車都困左向山上面。所以今晚我地應該趕唔到去新都橋。師傅就比左兩個提議我地，第一，就係今晚留向康定過一晚，聽朝試試可唔可以再經節多山去新都橋。但我地就會浪費左一日。第二，就係立即趕路到丹巴，第二日再行另外一條路到新都橋，但問題係趕路去丹巴要大約四個鐘頭車，加上呢條係新路，師傅自己都未行過。最後，我地決定趕路去丹巴。沿路我地都好驚，一來呢條路師傅未行過，二來趕路既時候一路都落住大雨。仲有我地居然要經過一條仲未用得既隧道。好彩，向夜晚十點幾安全到達丹巴。
沒有留言:
張貼留言