四川之旅 Day 6

Day 6 稻城--->紅草地--->兔兒山--->卡子拉山--->雅江--->新都橋

今日又係一日要趕車既日子，因為師傅話如果太夜至攀過雪山的話，一來就會好危險，二來佢伯會有人出黎搶野。所以今日我地都唔係咁敢成日叫師傅停車比我地影相。

(太陽伯伯怕羞所以躲在樹樹後面呀)
黎到紅草地，有點失望。記得上年睇新假期既時候，佢介紹呢度好靚架！滿山紅葉，點解加陣黎到會變成咁既？係我黎得唔係時候，定一或因為發展旅遊業所做成既破壞！

(小low B到此一遊)

(呢度應該滿山紅葉架！我地黎得唔係時候？)

(這裡就是紅草地)

(四處都是經帳)
雖然我地都已經話住唔好成日叫師傅停車影相架喇！但呢度實在太得意，所以都不期然叫師傅停車比我地影相。

(Ricky話我黎呢度就會好安全架喇，真過份)

(成地都係石頭，上面加上白雪，好似糖呀)
今次我地都要攀過兩個雪山先到達新都橋，我以為上次已經係最高點，點知今次呢兩個雪山仲高，其中一個卡子拉山4718m，暫時係我既人生最高峰。我知我總有機會破我呢個紀錄既！hehe~~~

(兔兒山--海拔4696m)

(雲海呀，好似好近個天咁)

(今次旅程最高峰---卡子拉山，海拔4718m)
不經不覺今日又坐左成日車，無諗過個天仲咁光都可以見到月亮叔叔。

(下午五點幾就見到個月亮喇)

(夕陽照在寧靜的馬路上)

(隔著玻璃影既日照金山)

夜晚，我地要決定剩下既行程。本來我地包車只係包到28號下午回成都。之後就諗住行下街買下手信。第二日他他條條出機場。但師傅提議我地可以去玩埋上里古鎮，但如果去既話就要29號向上里古鎮直接返成都雙流機場。最後爛玩既我們，當然就玩到盡，最後一至通過，玩埋上里古鎮後直出機場，最多就出到機場買貴手信啦！