四川之旅 Day 7

Day 7 新都橋--->丹巴

今日一個早上我地都會留向新都橋。師傅話帶我地去附近既地方四圍影相，感受下呢個好多人都話既"攝影家天堂"係點既！

(當地既房屋都係用石起架)

(靜靜地坐向度幾舒服)
雖然無落雪，但天氣都好凍。睇下連放向屋外既衣架都結霜呀！今日真係凍到震。

(凍到結霜呀！)

影完民居，師傅又帶左我地去另外一個地方影相。其實今次行程我地所行駛過既馬路，好多兩旁都有好多樹木。但唔知點解總覺得唔同地方影出黎既感覺又會唔同。

(兩旁的樹木都開始變色喇)

(又再影到支支太陽)

(終於都見到紅葉喇)

(又要等到春天再開花)

最後黎到呢條小河，向呢度我地見到有好多學生向度寫生，我地咁八就當然走去睇睇啦！佢地個個都畫得好靚架！所以都係唔好攪住人，去影相算囉！

(我見到好多人向度寫生)

(畫得好靚呀！)

影完相，我地就離開新都橋！

離開新都橋，我地就向丹巴出發。向附近食過午餐，又繼續趕路。點知行行下，終於都比我地見到紅葉喇！所以拿拿聲叫師傅停車比我地影相！總算叫做達到今次旅行既目的。看秋色紅葉！雖然同旅遊書上面個D差好遠，但我都已經覺得好靚！

(D樹葉終於都變紅喇)

(係咪好似張pstcard呢，hehe~~)

(紅葉呀！紅葉，我終於都等到你喇！)

(呢張相我辛苦咁伸出車度影架)

(好大個草原呀)

(嘩！似唔似瑞士呢！)

(紅葉，紅葉，我愛你)

坐左成幾個鐘頭車，終於都到丹巴。咁難得再一次返黎丹巴，好想試下住向甲居藏寨。可惜，一來師傅話太夜條路難行，二來又要再比多一次入場費又有D唔低，所以最後都係住返上次間旅館。