四川之旅 Day 10

Day 10 四姑娘山--->上里古鎮

經過尋日騎左成日馬，個人都好倦。食完早餐就出發向上里古鎮出發，師傅話應該大約下午三四點就會到架喇！唉......點知去到攀過雪山既時候，因為天氣唔好，能見度好低，師傅唔敢開得太快，所以我地兩點幾先到其中既一個小鎮食午餐。

(究竟邊度先係真既呢)
食過午餐，又要繼續趕路。點知一路行，我地就一路見到滿山紅葉，係呢D喇！我今次黎四川既目的就係為左呢個滿山紅葉既景況。所以沿路不停叫師傅停車比我地影相，咁樣影下停下，我諗我地足足令我地既行程比原本時間遲左成個鐘。

(紅，黃，綠，好靚呀)

(分唔到邊棵樹係邊棵添)

(黃葉加流水)

(四圍都係黃葉同紅葉)

(滿地都是落葉了)

(排得好齊整既屋)

(如果可以住向度就好喇)

(顏色好靚呀！終於都見到我心目中既紅葉喇)
終於七點鐘至到達上里古鎮，但點解會黑嘛嘛既？我地都覺得有D唔對路，於是佩珊兩公婆同師傅就落車去問下其他人，佢地話古鎮係向呢度，不過就要再行多二百米先到。而呢個男人原來係旅館老闆，佢話附近無旅館，而且古鎮咁夜都無乜野行，不如今晚就住向呢度，聽日一早再去上里古鎮啦！經過商量之後，加上大家都倦，所以就決定今晚向度過夜。

(呢度就係我地今晚住既地方)

(你睇今晚幾豐富)

我地放低D行李，佢地四個就落左去下面點菜，而我同表表就留向上面等，點解呢，因為表表就黎生日，所以我地想比個驚喜佢，咁我咪要留低陪佢。如果唔係佢知我地攪乜架嘛！到食得飯，我地落到去，表表都奇怪點解咁好，到我地一齊舉杯祝佢生日快樂佢至知，呵呵，我呢個表妹都唔話得啦！幫你攪左驚喜四川生日會！