話說大公主12月中會過愛爾蘭探小公主，我想托佢幫我帶野過去比佢，所以就攪左今次既BBQ。其實今次都攪得好趕。所以最後得五個人(我，大公主，Sam，Vicky同小三)(本來就六個，隻大叔又放飛機)我地約左四點向筲箕灣等，點知最後都要等到五點先齊人。之後就去左附近買野食，唔洗十五分鐘，就買好晒所需要用品，勁！我未試過咁快就可以攪掂買晒野。跟住就搭車入石澳。
入到去都已經無晒爐，所以拿拿聲去租爐。太約六點半就已經開始燒野食。我地由大家各自聖誕去邊樹旅行，講到新年約埋一齊去菲律賓，之後又話一月攪露或宿營去觀星，又講到各自既情史，到最後講TL各人既八卦野。咁就攪到成十一點幾。本來仲話出筲箕灣食糖水添，但是最後都係太飽無食到。
(小公主，最後送上合照一張比你，無得黎都有得睇呀！)
沒有留言:
張貼留言