Day 5 稻城
(你睇我間房幾亂)
今朝起身既時候，就聽到契姐講佢地尋晚零晨三點就比人拍門叫起身出發去亞丁喇！唉.........真辛苦，希望佢地偷渡順利啦！本來我地今日可以好hea咁遲D先出發四圍去既，但我地想影日出，所以七點鐘就出在去囉！師傅帶我地去左條橋度等日出，因為太凍，咪諗住見個太陽升上黎就拎機落車影架啦，點知都係唔夠個太陽快，舉機影既時候太陽已經升起晒。快到佢呀！
(稻城的日出)
影完日出，師傅就帶我地到另外一個地方影日出。去到已經見到好多拍友set晒腳架向度影，我諗佢地之前應該就向呢個位等日出，點解我地個師傅唔一早帶我地黎呢度呢？呢度靚咁多！
(大大個太陽升起喇)
(牛牛飲完水要回家喇)
(一棵樹孤零零啊)
(好多樹都變晒黃色囉)
(就係呢個位喇！好多拍友set晒腳架向度影日出)
影完相，我地先施施然咁去食早餐。早餐我地又再去附近既地方影相。我地一見靚景就叫師傅停車比我地影相。
(都唔明點解一邊有樹葉，一邊就乜都無)
(滿地都是黃葉)
就係咁我地向附近一路行一路影，有時又行入D農民既屋企，有時又行去佢地養豬既地方睇。
(環境寧靜，羊兒食草食得幾開心)
(小河分隔兩邊，但分別又真係好大)
(白痴自拍三人組
)
(羊咩咩都要嘆世界)
(今天天氣認真好)
影完相，跟住就去食午餐，其間表表已經覺得唔係好舒期。師傅覺得表表可能係高山反應。所以提議佢下午不如休息下唔好四圍去，表表都覺得休息一下會好D。所以我地先送表表返旅館先。返到旅館，天突然又落雪。呵呵........今次終於都影到落雨囉！
(影到啦！影到啦！落雪呀)
放低表表向旅館之後，師傅就帶左我同契姐去浸溫泉。開頭我同契姐都諗緊浸唔浸好，但黎到見到又幾乾淨。而且唔浸又唔知去邊，最後都決定浸啦！本來師傅話向出面等我地既。經我地同溫泉姐姐既游說，佢終於都浸。hehe~~~
第一次同契姐旅行就比佢見到我o個個懷胎左十幾年既寶貝女添！其間亞琳佢地打電話黎話加陣向亞丁返黎。咁我地就相約左向旅館等。
(浸溫泉，真舒服)
浸完溫泉，人都精神D。見時間尚早，就再叫師傅睇下附近仲有冇其他地方帶我地去。咁附近有一個幾特別既旅館，所以我地就過左去睇。但呢間旅館又真係幾特別，佢每間房都係獨立咁向個湖面上面。
(你睇個湖幾清，倒影幾靚)
(嘩！好大舊棉花糖雲呀)
(浸完溫泉回旅館囉)
返到去，表表剛剛訓醒。見佢精神好左都無咁驚。我地睇左一陣電視，就聽到佢地把聲。最後個個入晒我間房傾計。睇佢地影返黎既相亞丁真係好靚。而且佢地既馬伕講，好難得可以見到神山既主峰。不過佢地返黎個個都話好辛苦，一來早起身唔夠訓，二來帶唔夠乾糧。其實最緊要係少左我地三個陪佢地玩！呵呵.............
沒有留言:
張貼留言