過左一個有驚無險既晚上，今朝起身又要趕路。師傅同我地講好彩尋晚我地決定趕路去丹巴。原來尋晚我地所行既個條新路只係每日既下午五點至零晨二點至開放比車行，其他時間就係用黎整路。如果唔係我地又會浪費多一日時間。
(藍天白雲加雪山，好靚呀)
黎到丹巴，一定要去甲居藏寨。因為呢度專門出產...........美女。，所以呢度亦叫美人谷。就等我今次入去睇下係咪先得。入去參觀之前，我地找左個當地既美女做我地既導遊，帶我地四處玩，最後佢仲帶埋我地去佢屋企參觀添！
(滿山都係充滿藏族風味的建築)
(呢間就係我地入去參觀既藏屋)
(佢就係我既導遊，佢加陣唱緊山歌比我地聽呀！)
(呢度間間屋都會拎D粟米同辣椒上屋頂晒架)
(我諗佢大個一定會好靚仔，應該會幾似陳冠希！hehe~~)
參觀完甲居藏寨之後，我地就繼續出發去八美。途中經過一個山谷，嘩！好靚呀！所以我地就叫師傅停車比我地影相。成個山頭既樹木都開始變黃。師傅話變黃之後就會轉紅色。哎喲！咁係咪我地黎早左呢？不過加陣都已經好靚！hehe~~~
(成個山都係黃葉)
(四周既樹葉都開始變黃喇)
終於向午飯時間到達八美。呢個小鎮既環境好靚，加上天氣好，所以就覺得更靚！就係我地等食飯既時候，出面居然落雪喎！呵呵，我黎四川既第一場雪。
(藍天白雲加小馬)
(你睇妹妹飲得幾開心)
食過午飯，又繼續出發。當我向架車度訓醒既時候，就已經見到出面四周圍都係雪。我咁大個女都未試過比咁多雪包圍住。可惜要趕路，唔係真係想叫師傅停低比我地玩下雪。
(咁大個女都未試過比咁多雪包圍住)
行行下，突然我見到有個金頂既物體，於是我就問師傅呢度係邊度。原來呢度就係塔公草原。有咁靚既天氣同環境，我地當然就落車影相啦！
(雪山和藍天的倒影)
(塔公草原)
當我地影緊相既時候，突然有個小朋友走埋黎，我地見佢幾乖就諗住請佢食糖，點知我地一拎包糖出黎，佢就一手搶左去，好彩我朋友喝住佢，佢先比返包糖我地。之後，又有兩個小朋友走埋黎。我見佢地咁可愛就影左佢地。點知，佢地兩個一路追住我，同我講，姐姐影相要比錢架！唉..........我記得上次去貴州，個度D小朋友都唔係咁架！點解呢度既小朋友會變成咁，唔通一發展左旅遊業就會咁？
(就係呢兩個小朋友影完相問我拎錢喇)
(馬兒在吃草)
去完塔公草原，當然就去埋附近既塔公寺啦！四川好多寺廟都係信藏傳佛教，而藏傳佛教亦都分開好幾個不同既派別。而我參觀既呢間寺廟所信既就係藏傳佛教入面既黃教。
(偷影塔公寺門口既喇嘛)
(塔公寺正門)
(塔公寺內部)
(太陽照左龍頭上)
(塔公寺的倒影)
(日落下既雲海)
我地都要入夜至去到新都橋，都奇怪點解成條街會黑麻麻，原來係無電，我地搵左好耐至搵到一間有自己發電機既旅館。本來仲諗住今晚有涼沖，點知，十點幾又再次無電，最終今晚都要做污衊貓！
沒有留言:
張貼留言